'Nu continènde (da 'u latine continere, tenere 'nzime) jè 'na granna vanne de terre emerse d'a croste terrestre, jè 'nfatte 'a cchiù granna de le scucchiamènde cu le quale se scucchiane le terre emerse.
'A grannèzze d'u nuèstre pianete jè scucchiáte jndre continende ed oceane, ca sonde a lòre vôte 'u cchiù granne scucchiamènde jndre cui se ause scucchià l'idrosfere. 'U cungette de continende se condrappone accussì a quidde de oceane e le sceologhe 'mbatte scucchiane 'a croste terrestre jndre oceaneche e continendale.
Ad 'a definizione de continende s'honne ddà ausà critere ca sonde specialmènde sciugrafeche e storeche, me pure felosofeche e polìteche; se ricorre pure ad analese sceomorfologgeche ed ecologgeche. Viste ca le varie critere non ge portane a 'na uneche conclusione, 'ô scucchiamènde d'a terre emerse jndre continende jè pe' 'na vanne arbitrarije. P'ô stesse motive, non ge 'stè 'nu modelle uneche de scucchiamènde de le terre emerse, me assaje modelle, ausate jndr'â lle varie statère d'u munne o jndr'â lle varie ambite de canoscenze a seconne de le necessetate. Ogne modelle tène le sove bbuène raggione e prevede 'nu numere deverse de continende, aggruppate 'n'manière deverse.
Le isole se conziderane suletamènde appartenènde ad 'u continende cchiù 'nzeccate: pe' esembie, 'u Madagascar e le Seychelles se conziderane 'na vanne dell'Afriche.
Pòte ajutà jndre quiste scacchiamènde l'esistenze de le piattaforme continendale. Pure pe' quèste variabbele ce sonde però case pe' cui ce se pòte 'ngasenà: pe' esembie l'Islanne, comunemènde conziderate 'na vanne de l'Europe, jè p'a veretate scucchiáte d'a dorsale medie atlandeche, e accussì appartène pe' metate a le Americhe.
'Na seconna definizione de "continende" se ause quanne se condrappone 'na isole ad 'a terreferme. Jndre quiste case 'a parole continende jè segnefecate de terreferme. Esembie classeche jndre quiste senze se honne quanne le bretànneche chiamane "'u continende" 'a vanne rumanènde d'Europe o quanne sarde e siciliane chiamane "'u continende" 'a vanne rumanènde d'Itaglie.
Continende d'a Terre | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Africa | Antartide | Asie | Oceanie | Europe | Americhe settentrionale | Americhe meridionale |
This article uses material from the Wikipedia Tarandíne article Continende, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.