Lènga Swahili

Disambiguazzione – Ce ste cirche otre segnefecate, 'ndruche Swahili (disambigue).

Ô swahili o kiswahili (pronunge: suahìli, chisuahìli) ète 'na lènga bantu, d'a famigghie de lle lènghe niger-kordofaniane, spannute pe' 'na granna vanne de ll'Afriche oriendale, cendrale e meridionale. Ète 'a lènga naziunale de Tanzanie, Kenya e Uganda, nonché lènga ufficiale de ll'Aunìone Africane. Ô parlane cumme prime lènga cirche 5-10 miglione de crestiáne, e cumme seconna lènga cirche 80 miglione. Inoltre, essenne 'ô swahili 'na lènga storecamènde legate ad 'u commerce maritteme, ce sonde comunetate de lènga swahili jindre assaje cetate ccu 'mbortànde puèrte pure fôre de ll'Afriche. 'Ndrucate 'a granne diffusione sove, e 'a parendele ccu le otre lènghe bantu, 'ô swahili svolge 'a funzione de lènga franghe jindre 'na granna vanne de ll'Afriche subsahariane.

Swahili Kiswahili
Parlate in	Tanzanie, Kenya, Uganda, Ruanda, Burundi, Congo (RDC), Somalie, Comore ('ngluse Mayotte), Mozambiche, Malawi, Oman.
Locutori
Totale	Prima lènga: ~5 miglione Seconna lènga: ~50-75 miglione
Classifeche	no jndr'â lle prime 100
Tassonomie
Filogenesi	Niger-Congo  Congo-atlandiche   Volta-congo    Benue-congo     Bantoide      Bantoide meridionale       Narrow bantu        Cendrale         G          Swahili
Statute ufficiale
Ufficiale in	Aunìone Africane Kenya Tanzanie  Uganda
Regolate da	Baraza la Kiswahili la Taifa (Tanzanie)
Codece de classificazione
ISO 639-1	sw
ISO 639-2	swa
ISO 639-3	swa (EN)
Glottolog	swah1254 (EN)
Linguasphere	99-AUS-m
Estratte in lènga
Dichiarazione universale dei diritti umani, art. 1 Watu wote wamezaliwa huru, hadhi na haki zao ni sawa. Wote wamejaliwa akili na dhamiri, hivyo yapasa watendeane kindugu.
Addò ète parlate 'a lènga swahili

'U nome "swahili" avène da ll'aggettive arabe sawahili (سواحلي), plurale de sawahil (سواحل), ca segnefeche "costiere" (da sahel, ساحل, "coste", ca ète 'a radice da cui avène pure 'u nome Sahel). Quiste aggettive hé storecamènde ppegghiàte 'a funzione ccu recanosce le popule d'a coste oriendale africane. D'a radice "swahili" ca stè inneche 'u popule avènene jindr'ô swahili 'na granna quandetate de costrutte; 'u nome "kiswahili", pe' esembie, ète quagghiate ausanne 'u prefisse "ki", ca ète prefisse de le nome de lle lènghe; ci parle swahili avène ditte mswahili (ad 'u plurale waswahili); e p'a stesse maniere uswahili ète 'a culture swahili, o 'a reggione javitàte da le popule de lènga swahili.

Ô swahili ète 'a lènga madre d'u "popule swahili" o waswahili, 'nrealtate costituite da 'na granna varietate de etnie e culture de origgene africane, arabe, persiane e indiane. Quiste popule jàvite 'na longhe vanne d'a coste africane sus a ll'Oceane Indiane, d'a Somalie meridionale ad 'u Mozambiche settendrionale, se iacchie sus a 'nu munnde de isole cumme Zanzibar, Pemba, Mafia, Lamu, le Comore e pure 'u Madagascar. Quiste spannamènde respecchie 'u fatte ca 'a parole "swahili" avène da ll'arabe "popule d'a coste".

Cumme seconne, terze o quarte lènga, 'ô swahili ète parlate p'a granna vanne jndr'â ll'Africa subsahariane; certamènde jndr'â Tanzanie, Kenya, Uganda, Ruanda, Burundi, Congo (RDC), Somalie, Comore ('ngluse Mayotte), Mozambiche, Malawi, Zambia, Repubbleche Cendrafricane.

Seconne le stime, ce sonde cirche 5 miglione de madrelènga e otre 50 miglione de africane ca ausanoe cumme seconna lènga 'ô swahili, devendanne accussì 'a Lènga franghe de ll'Africa oriendale e de lle vanne 'nzeccate.

Lènga ufficiale

Ô swahili ète 'a lènga ufficiale d'a Tanzanie, Uganda e d'u Kenya.

Dialètte e lènghe derivate

Ce se 'ndruche 'a varietate culturale ed etneche de le popule ca parlane swahili cumme prime lènga, no s'hà ccu se sorprenne ca ce stonne assaje variande d'u luèche, o dialètte. Se distinguone comunemènde le seguende dialètte prengepále:

• Kiunguja, parlate sus 'a coste e jndr'â cetata de Zanzibar (ditte Unguja jindr'ô swahili). Sus a quiste documènde ète basate 'ô swahili standard.
• Kitumbambu, endretèrre rurale de Zanzibar
• Kimrima, jndr'â vanne de Pangani, Dar es Salaam, Rufiji e Mafia
• Kimgao, a Kilwa
• Kipemba, isole de Pemba
• Kimvita, vanne de Mombasa
• Kiamu, isole de Lamu
• Kingwana, Congo
• Shikomor, Comore
• Shimaore, Mayotte
• Shindzuani, Anjouan (Comore)
• Shingadzija, Granne Comore
• Kimwani, Mozambiche
• Chimwiini, Somalie
• Sheng: Nairobi

Le prime documènde scritte resalene a 'nu periode combrese 'mbrà 'ô spicciare d'u '600 e ll'inizie d'u '700 ed ausavane l'alfabbète arabe; 'a fume scritte de ôsce a die, de ause corrende, ause l'alfabbète latine.

Foneteche

Le parole swahili sonde quase totte chiane, cioè l'accinde cade sembre sus 'a penurteme sillabe. Generalmènde, stù fatte imbleche ca sije accindate 'a penurteme vocale d'a parole; tuttavije, ce sonde case jindre cui pòte ccu esse "accindate" 'na conzonande. Quiste vale pe' esembie pe' mbwa ("cane"), jindre cui se enfatizze 'a m, o nne ("quàtte") jindre cui se enfatizza 'a prime n. Vocaele conzonande se pronungiane n'genere n'mode assaje auguale ad 'u tagliáne.

Vocale

Conzonande

Se pòte ccu 'ndruche ca non ge combarene le conzonande q e x; 'a c combare sule jndr'â combinazione ch ('ndruche d'abbasce).

Combinazione de lettere ccu foneteche speciale

'A lettere m, ce ète sckaffàte apprìme a n'otra conzonande deverse da w, avène enfatizzate e fàce ccu nàsce 'na sillabe, ca eventualmènde pòte ccu pigghie l'accìnde, cumme jindre mzuri. Ô stesse se pòte ccu dice p'a n ce ète sckaffàte apprìme de 'na conzonande deverse da y (ccu l'eccezione d'a combinazione speciale ng', jindre cui 'a n non g'avène maje enfatizzate).

• Nicholas Awde. Swahili: Dictionary and Phrasebook. Hippocrene Books 2002. ISBN 0-7818-0905-3
• Shihabuddin Chiraghdin e Mathias Mnyampala. Historia ya Kiswahili. Oxford University Press, Eastern Africa 1977. ISBN 0-19-572367-8
• Ellen Contini-Morava. Noun Classification in Swahili, 1994.
• Hassan A. Marshad. Kiswahili au Kiingereza (Nchini Kenya). Jomo Kenyatta Foundation, Nairobi 1993. ISBN 9966-22-098-4
• Giulio Soravia. Le lingue dell'Africa in Africa e Mediterraneo n. 2/97, Lai-Momo 1997
• Maddalena Toscano. Dizionario Swahili, Vallardi 2004

• Letterature swahili

• 'Ndroduzzione ad 'a grammateche swahili - morfologgije
• 'A lènga swahili e 'a polìthe de istruzione jndr'â Tanzanie
• Le resorse swahili sus a 'ndernètte
• www.swahili.it Breve note sus 'a lènga swahili, Curse 'ndroduttive 'nderattive e rassegne stambe jindr'ô swahili ccu traduzione tagliáne
• [4] L'espressione de ause sciurnaliere ccu se ascolte jindr'ô swahili
• Vocabbolarije jndr'â linee Tagliáne-Swahili 'ngorse de combelazione
• Dizzionarie online 'nglise-swahili
• (EN, FR) Curse de swahili
• (EN) Kamusi Project The internet living Swahili dictionary
• (EN) The UCLA Language Materials Project
• (EN) Ethnologue report on Swahili
• (EN) Swahili Yesterday, Today and Tomorrow: Factors of Its Development and Expansion