Черногорлуктар (өздөрүн црногорди деп аташат) — эл, Черногориянын жергиликтүү калкы (280 миң), Сербияда (69 миң), ошондой эле Италия, Аргентина, Хорватия, Македония, Словения, Албания, Канада, Австралия жана Бразилияда да жашашат.
Жалпы саны 620 миң киши (2002). Серб-хорват тилинде сүйлөшөт. Динге ишенгендери - негизинен православныйлар. Этностук негизин славяндар түзөт. Черногорлуктардын кесиби - мал чарбачылык, дыйканчылык. Эркектери - ак көйнөк, ыштан, желет, күрмө, кафтан (узун этектүү сырт кийим), Тегерек формадагы баш кийим, гетры (балтырды сууктан сактоо үчүн кие турган тамансыз байпак), боолуу бут кийим, аялдары - туника үлгүдөгү көйнөк, желет, юбка, алжапкыч, баш кийим кийип, майрам күндөрү кооздуктарды тагынышат. Салттуу тамак-ашы - дан, ботко, жүгөрү, картошка, фасоль, капуста, айрым жерлерде жашылча жана балык, тоолуу аймактарда сүт, эт (майрам күндөрү) азыктарын колдонушат.
This article uses material from the Wikipedia Кыргызча article Черногорлуктар, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.