Sufizmi ose Tesavufi (arabisht: الْتَّصَوُّف; emër i përveçëm: صُوفِيّ ṣūfiyy / ṣūfī, مُتَصَوّف mutaṣawwuf) i përshkruar përgjithësisht si mistika islame, dimensioni i përbrendshëm i Islamit ose fenomeni mistik i Islamit është një rrymë mistike në Islam i karakterizuar nga vlera të posaçme, praktika ritualore, doktrina dhe institucione që nisin shumë herët në historinë e Islamit dhe përfaqëson shpërfaqjen kryesore dhe kristalizimin më të rëndësishëm dhe qëndror të praktikave mistike në Islam.
Ndjekësit e sufizmit quhen sufí (shumësit e arabishtes: صُوفِيَّة ṣūfiyyah; صُوفِيُّون ṣūfiyyūn; مُتَصَوُّفََة mutaṣawwufah; مُتَصَوُّفُون mutaṣawwufūn). Historikisht, sufitë shpesh i përkitnin një ṭuruq (fjalëpërfjalë udhë; urdhër, bashkësi) formuar përreth mjeshtrave të mëdhenj të cilëve u referoheshin si veli që gjurmonin një zinxhir mësuesish mbrapa në kohë deri tek profeti i Islamit, Muhammedit. Këta tarikate tuboheshin ndër takime të përshpirtshme (mexhlise) ndër vendet e quajtura zavije ose teqe. Ata përpiqen drejt përsosjes së besimit (ihsan), siç ilustrohet në një hadith: "Ihsan është të adhurosh Allahun sikur je duke e parë; nëse nuk mund ta shohësh, me siguri të sheh Ai ty". Xhelaledin Rumi (Rumiu) pohonte se "Sufiu kapet pas Muhammedit sikur Ebu Beqiri". Sufitë e mbajnë Muhammedin si al-Insān al-Kāmil, njeriun e përsosur parak që shëmbëllen moralitetin e Zotit, e shohin si prijësin e tyre dhe si udhëheqësin e tyre shpirtëror më kryesor.
This article uses material from the Wikipedia Shqip article Sufizmi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.