Kulit-eri (Echinodermata) inggih punika salah satunggaling filum saking kéwan avertebrata.
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Echinodermata Kalamangsa: Ediacaran | |
---|---|
Echinometri mathaei | |
Klasifikasi ngèlmiah | |
Dhomain: | Eukaryota |
Karajan: | Animalia |
Subkarajan: | Eumetazoa |
Superfilum: | Deuterostomia |
Filum: | Echinodermata Klein, 1734 |
Echinodermata asalipun saking basa Yunani inggih punika kawangun saking tembung echin ingkang tegesipun eri kaliyan derma ingkang tegesipun kulit. Dados, Echinodermata punika tegesipun kéwan ingkang kulitipun awujud eri. Tuladha kulit-eri inggih punika lintang sagara lan tripang. Sedaya jinis kulit-eri gesang ing seganten kanthi bébas. Sepèsiyès-sepèsiyès punika obah kanthi cara mbrangkang alon sanget kaliyan boten wonten ingkang gesang parasitik. Jinis ingkang gesangipun nèmpèl (sesil) namung lilia seganten.
Wangunipun badan Kulit-eri diwasa simètri radial, gadhah balung njero ingkang wujud dat kapur kanthi brenjolan eri ing lumah. Déné larvanipun awangun simètri bilateral ingkang gadhah tigang lapisan, wonten silia ing organ badanipun, boten gadhah mustaka kaliyan utek. Piranti obah Kulit-eri wujud sikil bumbung ingkang dipunwastani suku ambulakral. Sistem iles-ilesanipun taksih prasaja, ugi wonten ingkang boten gadhah anus. Sistem lelaku getih dèrèng cetha lan ugi taksih prasaja. Ambeganipun nganggé angsang utawi papula, inggih punika brenjolan ingkang wonten ing gronggongan badan. Sistem sarafipun kawangun saking saraf inggil wujud bunderan utawa awangun ali-ali ingkang ngubengi tutuk lan saraf radial ingkang tumuju tangan. Réprodhuksinipun kanthi cara generatif, inggih punika leburipun sperma kaliyan ovum ingkang salajengipun ngasilaken zigot.
Filum Echinodermata kapérang dados gangsal kelas, inggih punika Asteroidea, Ophiuroidea, Holothuroidea, Echinoidea, kaliyan Crionoidea.
Echinodermata inggih punika kéwan ingkang mangan bathang, sisa-sisa kéwan, kaliyan regedan kéwan sagara sanèsipun. Dados, Echinodermata bisa ngresiki sagara amargi mangani sisa-sisa wau. Echinodermata ugi saged dipundadosaken bahan panganan. Tuladhanipun mentimun laut (teripang) ingkang sekéca sanget dipundadosaken sop utawi krupuk.
This article uses material from the Wikipedia Basa Jawa article Kulit eri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.