Klepon: Cemilan khas indonesia
Klepon yaiku panganan sing misuwur ing tanah Jawa, kang digawé saka glepung beras ketan lan diisi gula Jawa.
Aksara Latin |
Klepon lumrahé mung ana rong warna yaiku ijo lan putih. Klepon iku wanguné bunder lan anggoné mangan nganggo wur utawa klapa kang diparut. Klepon uga kalebu jajanan pasar.
 Klepon | |
| Jinis | Jajanan pasar, Kuwé |
|---|---|
| Ajangan | Mangan panutup |
| Panggonan asal | Indonésia |
| Tlatah utawa praja | Jawa |
| Hawa ajangan | Adhem lan anget |
| Woworan pokok | beras ketan lan gula |
 Buku masakan: Klepon  Médhia: Klepon | |
Ing Sumatra lan ing Malaysia, klepon ingaran "ondhé-ondhé", déné sebutan iki ing tanah Jawa lan pérangan liya ing Indonésia wujud panganan sing béda yaiku panganan awangun bunder uga kagawé saka glepungberas isi adonan kacang ijo lan kulité diwuwuri wijèn. Prabédan panyebutan antara ing Jawa lan Sumatra-Malaysia iki kerep dadi jalaran salah paham. Klepon biyasa didol bebarengan karo getuk lan cenil (uga ingaran cetil) minangka jajanan ing wayah ésuk utawa soré. Werna klepon lumrahé putih utawa ijo gumantung seléra. Klepon kanthi warna ijo, perlu tambahan bahan pewarna alami saka godhong suji utawa godhong pandhan.
Carané nggawé klepon:
- Gula pasir dicampur karo banyu godhong suji, uyah, mentéga, banyu, lan glepung beras ketan.
- Adonan iku dicampur nganti kalis.
- Banjur digawé bunder-bunder, digèpèngaké, diisèni gula Jawa, lan dibunder-bunder manèh.
- Sawisé rampung digawé bunder-bunder, banjur digodhog nganggo banyu kang wis umub nganti adonan iku mumbul mendhuwur.
- Yèn wis mumbul banjur dientas.
- Carané nyajikaké yaiku adonan kang wis mateng diwadhahi lan ditata ing piring, banjur diwènèhi parutan klapa.
- Klepon wis siyap didhahar.
This article uses material from the Wikipedia Basa Jawa article Klepon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.