Ernest Miller Hemingway (21 Juli 1899–2 Juli 1961) iku siji novelis, pengarang carita cekak, lan jurnalis Amérika Sarékat.
Gaya panulisané kang kas kanthi ciri minimalisme kang cekak lan kanthi gaya saanané (understatement) lan duwé prabawa kang wigati marang perkembangan fiksi abad kaping-20. Tokoh-tokoh protagonis Hemingway lumrahé stoik, kerep dideleng minangka proyèksi saka karakteré dhéwé, wong kang kudu nuduhaké "kaanggunan ing sangisoring tekanan." Akèh karyané dianggep klasik sajeroning kanon sastra Amérika.
Ernest Hemingway | |
---|---|
Lair | 21 Juli 1899 Oak Park, Illinois |
Pati | 2 Juli 1961 |
Pakarya | Pengarang lan jurnalis |
Obahan sastra | Generasi kang ilang |
Tandha tangan |
Hemingway, kang diparapi "Papa," iku péranganing komunitas ekspatriat ing taun 1920-an ing kutha Paris, kaya kang digambaraké sajeroning novelé A Moveable Feast. Dhèwèké kang dikenal minangka péranganing "Generasi kang ilang," siji jejuluk kang diciptakaké lan dipopulèraké déning Gertrude Stein, ngalami kauripan sosial kang kebak pacoban, nikah kaping papat, lan kabaré njalin akèh gayutan romantis samangsa uripé. Hemingway menangaké Bebungah Pulitzer ing taun 1953 kanggo karyané The Old Man and the Sea. Dhèwèké memangaké bebungah Nobel Sastra ing taun 1954, sanadyan mratélakaké yèn dhèwèké "bakal bahagia–luwih bahagia...yèn bebungah mau diwènèhaké marang pengarang kang jatmika Isak Dinesen," sinambi nuding marang pengarang Dhènemarken Karen Blixen. Ing taun 1961, Hemingway sudu-salira ing yuswa 61.
Wiki Commons duwé médhia ngenani Ernest Hemingway. |
Wikicuplik duwé cuplikan ngenani: Ernest Hemingway |
This article uses material from the Wikipedia Basa Jawa article Ernest Hemingway, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.