Surat Al Qadr: Surat kaping 97 ing Al Qur'an

al-Qadr
Informasi
Makna	Kamulyan
Nami sanès	Inna Anzalnahu[1]
Klasifikasi	Makkiyah
Surat ka	97
Juz	Juz 30
Statistik
Gunggung ruku'	1 ruku'
Gunggung ayat	5 ayat

Surat Al Qadr (basa Arab:الْقَدْرِ) yaiku surat kaping 97 sajeroning al-Qur'an kang dumadi saka 5 ayat lan éwoning surat Makkiyah. Surat iki mudhun sawisé surat 'Abasa lan dijenengi Al Qadr (Kamulyan) kang kajupuk saka tembung Al Qadr kang ana ing ayat pisanan surta iki.

Kuran wiwit mudhun ing wengi Lailatul Qadr, kang padha karo sewu sasi. Sajeroning Islam dijelasake yèn ing wengi iki malaékat Jibril lan liyané mudhun ing donya kanggo ngatur sakabehing urusan. Ing surat al-Qadr diandharake yèn nalika pisanan mudhune al-Qur'an yaiku nalika wengi Lailatul Qadr lan uga diandharake dhuwure derajat wengi iki.

Surat Al Qadr nerangaké bab wiwitan Kuran diudhunaké, déné Surat Al-Baiyinah nerangaké salah siji sebab Allah mudhunaké Kuran.

بِسْمِ اللَّهِ الرَّحْمَنِ الرَّحِيمِ : Kanthi nyebat asma Allah Ingkang Maha Mirah lan ugi Maha Asih.

1. innaa anzalnaahu fii laylati alqadri
2. wamaa adraaka maa laylatu alqadri
3. laylatu alqadri khayrun min alfi syahrin
4. tanazzalu almalaa-ikatu waalrruuhu fiihaa bi-idzni rabbihim min kulli amrin
5. salaamun hiya hattaa mathla'i alfajri

بِسْمِ اللَّهِ الرَّحْمَنِ الرَّحِيمِ : Kanthi nyebat asma Allah Ingkang Maha Mirah lan ugi Maha Asih.

إِنَّا أَنْزَلْنَاهُ فِي لَيْلَةِ الْقَدْرِ97:1]] Sakbeneré Kita wis mudhunaké (Al-Quran) ing wengi kamulyan.

وَمَا أَدْرَاكَ مَا لَيْلَةُ الْقَدْرِ[97.2] Lan apa kowé ngerti apa wengi kamulyan iku?

لَيْلَةُ الْقَدْرِ خَيْرٌ مِنْ أَلْفِ شَهْرٍ[97.3] Wengi kamulyan iku luwih becik saka sèwu sasi.

تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ[97.4] Ing wengi iku mudhun malaékat-malaékat lan malaékat Jibril kanthi idin Tuhan kanggo nata kabèh urusan.

سَلامٌ هِيَ حَتَّى مَطْلَعِ الْفَجْرِ[97.5] Wengi iku (kebak) kasajahtran nganti tekan pajar.