Surat Al Bayyinah: Surat kaping 98 Al Qur'an

Surat iki dumadi saka 8 ayat, éwoning surat-surat Madaniyah, diudhunaké sawisé surat At Talaq. Dijenengaké Al Bayyinah (Pambuktèn) dijupuk saka tembung Al Bayyinah sing ana ing ayat pisanan surat iki.

Pratélan saka ahli Kitab lan wong-wong musyrik yèn wong-wong iku bakal tetep sajeroning agamané nganti rawuh nabi sing wis dijanjèkaké déning Allah. Sawisé Muhammad rawuh, wong-wong iku kapecah belah, ana sing iman (percaya) lan ana sing ora, kamangka Nabi sing rawuh iku sipat-sipaté sarujuk karo sipat-sipat sing kaloka ing kitab-kitabé lan ngasta ajaran sing bener yaiku ikhlas sajeroning ngibadah, ngadegaké sembahyang, mbayar jakat.

بِسْمِ ٱللَّهِ ٱلرَّحْمَـٰنِ ٱلرَّحِيمِ
لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّىٰ تَأْتِيَهُمُ الْبَيِّنَةُ ﴿١﴾ رَسُولٌ مِّنَ اللَّهِ يَتْلُو صُحُفًا مُّطَهَّرَةً ﴿٢﴾ فِيهَا كُتُبٌ قَيِّمَةٌ ﴿٣﴾ وَمَا تَفَرَّقَ الَّذِينَ أُوتُوا الْكِتَابَ إِلَّا مِن بَعْدِ مَا جَاءَتْهُمُ الْبَيِّنَةُ ﴿٤﴾ وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ ﴿٥﴾ إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ ﴿٦﴾ إِنَّ الَّذِينَ آمَنُوا وَعَمِلُوا الصَّالِحَاتِ أُولَٰئِكَ هُمْ خَيْرُ الْبَرِيَّةِ ﴿٧﴾جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ رَّضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ ﴿٨

1. Sarupane wong kafir kang padha duwé wewatun Kitab, lan wong kang padha nyembah brahala ora gelem mareni kafir ngati katekan tandha yekti.
2. (Muhammad) iku utusaning Allah ngundhangake Quran kang suci.
3. Ing jerone mratelakake ukum kang bener.
4. Lan para kang wis kaparingan kitab mau anggoné padha pasulayan (bab pangandel marang Muhammad) sawuse katekan tandha yekti.
5. Lan dhèwèké iku ora diparentahi apa - apa kajaba laladi ing Allah jejeg anggoné nglakoni agamané, lan nglakoni sholat, bayar jakat, hiyaiku agama kang bener.
6. Sarupane wong kafir kang nduwé wewaton kitab lan wong kang nyembah brahala, ing tembe disiksa ing neraka Jahanam langgeng salawasé awit dhèwèké titahe Allah kang hala dhéwé.
7. Déné sarupane wong kang angestu lan nindakaké panggawe becik yaiku becik-beciking manungsa.
8. Ana ngarsaning Pangeran bakal padha diganjar suwarga 'Adn kang ana bengawane mili ana sangisore kekayon ing kono langgeng salawasé Allah rena marang dhèwèké lan dhèwèké rena marang Panjenengane. Mangkono uku tumrap sapa ing wedi marang Pangerane.