Bebungah Pulitzer (basa Inggris: Pulitzer Prize) iku pakurmatan kang dianggep paling dhuwur sajeroning babagan jurnalisme cithak ing Amérika Sarékat.
Pakurmatan iki uga dianugerahaké sajeroning babagan sastra lan gubahan musik. Pakurmatan Pulitzer pisanan dianugerahaké ing tanggal 4 Juni 1917, lan wiwit sawatara wektu kapungkur, wiwit diumumaké saben taun ing sasi April.
Panampa bebungah iki dipilih déning badan indepèndhen kang kanthi resmi diatur déning Columbia University Graduate School of Journalism (Sekolah Jurnalisme Universitas Columbia) ing Amérika Sarékat. Pakurmatan iki diciptakaké déning Joseph Pulitzer, sawijining jurnalis lan penerbit ariwarta Hungaria-Amérika ing pungkasan abad kaping 19.
Bebungah dianugerahaké sajeroning kategori-kategori kang magepokan karo jurnalisme, kasenian lan layang. Mung lapuran kang dibabar lan foto-foto asil karya ariwarta utawa organisasi warta padinan kang duwé basis ing Amérika Sarékat waé kang duwé hak nampa bebungah jurnalisme iki.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Bebungah Pulitzer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.