Bonang barung
Bonang Barung yaiku salah sawijiné pérangan perangkat Gamelan Jawa kang duwèni wujud pencu banjur diarani wujud Pencon.
Bonang Barung yaiku salah sawijiné pérangan perangkat Gamelan Jawa kang duwèni wujud pencu banjur diarani wujud Pencon.[1] Bonang Barung ing Gamelan Jawa duwé laras Sléndro lan Pélog.[1] Laras Sléndro wilahé ana 12 cacahé, banjur kang Laras Pélog wilahé ana 14 cacahé.[1] Bonang Barung manggone ing Rancakan saka kayu kang dhapuré kaya ambèn.[1] Pencon iku mau ditata ing rancakan ditumpangaké ing tali kang diarani Pluntur.[1]
Cara Nabuh
Bonang Barung ditabuh nganggo kayu kang cacahé 2, kayu iku mau sing pérangan dhuwur diblebet nganggo Kain lan pluntur]].[1] Cara nabuh bonang iku ana akèh pola tabuhané, yaiku pola tabuhan Gembyang, Mipil, Imbal, Sekaran, Klénangan, lan liya-liyané.[1]
Kagunaané Bonang
Bonang Barung iku gunané kanggo mbukani Gendhing.[2] Saliyané iku, Bonang Barung uga bisa kanggo nuntun alur Gendhing.[2] Khusus ing pola Mipil, Bonang barung iku bisa kanggo nuntun Instrumen liyané.[2] Bonang Barung ora bisa dadi lagu penuntun, nanging kolaborasi karo Bonang penerus gawé pola lagu lan ing aksèn-aksèn wigati bonang gawé Sekaran kang racaké ana ing akir kalimat lagu.[2]
Bahan
Bonang iku ana sing kagawé saka wesi lan uga ana sing kagawé saka Tembaga (Perunggu).[2] Kang kagawé saka wesi iku racaké regané luwih murah tinimbang sing kagawé saka Tembaga.[2] Kuwi mau amarga yèn wesi iku ora nganggo campuran apa-apa.[2] Nanging yèn Tembaga iku nganggo campuran, campurané yaiku 7/3.[2] 7/3 iku maksuté, 7 kanggo ukuran Tembaga lan 3 kanggo ukuran wesi.[2] saliyané iku uga cara gawéné kang luwih angèl tinimbang sing saka wesi murni.[2]
Cathetan suku
| Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Bonang barung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors). Isi cumepak kanthi pangayoman CC BY-SA 3.0, kajaba ana katerangan liyané. Images, videos and audio are available under their respective licenses.
#Wikipedia® is a registered trademark of the Wiki Foundation, Inc. Wiki (DUHOCTRUNGQUOC.VN) is an independent company and has no affiliation with Wiki Foundation.