Undur-Undur

Undur-undur
Klasifikasi ngèlmiah
Karajan:	Animalia
Filum:	Arthropoda
Klas:	Insecta
Ordho:	Neuroptera
Superfamili:	Myrmeleontoidea
Famili:	Myrmeleontidae

Ing donya iki dikira-kira ana kurang luwih 2.000 spésies undur-undur. Undur-undur nyebar ana ing sakabehing donya, mligi ing tlatah kang hawane anget dan akèh pasiré. Kewan iki diarani undur-undur amarga mlakune mundur nalika gawé gowakan susuh ing lemah. Kéwan iki uga diarani tembukur, cembukur, bukur, bubukur, kebobukur, kebobongkang, bobongkang, bongkang, jongkang, rikriknong lan rikrikma. Ing basa Inggris, kéwan iki diarani antlion (semut singa). Diarani semut singa amarga kéwan iki seneng ngajak semut kanthi ganas ya iku kanthi gawé jebakan ing jero lemah mula diarani singane para semut. Undur-undur duwé dat sulfonylurea. Kerjane dat sulfonylurea kang ana ing undur-undur ya iku nglancarake kerjane pankreas nalika ngasilaké insulin. Undur-undur bisa nambani lelara diabetes. Undur-undur uga bisa nambani kencing manis lan sesek napas. Undur-undur ngalami metamorfosis sampurna saka endhog, larva, entung, lan diwasa. Keampuhan kéwan kang kalebu kategori gegremet iki bisa nambani penakit kang wis dipercaya saka jaman biyèn, undur-undur iki dipercaya bisa nambani remaik, rasa penat ning awak, lan uga nambani lelara stroke kang angèl tambanane.

• The Antlion Pit, situs yang mirunggan membahas tentang undur-undur.
• Proyek Mengenai Undur-Undur