Bór: Frumefni með efnatáknið B og sætistöluna 5

Bór er þrígilt frumefni, sem mikið finnst af í málmgrýtinu bóraxi og úlexíti. Til eru tveir fjölgervingar af bór; formlaus bór er brúnt duft en málmkenndur bór er svartur. Málmkenndur bór er mjög hart efni, í kringum 9,3 á Mohs kvarðanum, en slæmur leiðari við stofuhita. Hann finnst aldrei einn og sér í náttúrunni.

Beryllín	Bór	Kolefni
	Ál
Efnatákn B Sætistala 5 Efnaflokkur Málmungur Eðlismassi 2460,0 kg/m³ Harka 9,3 Atómmassi 10,811 g/mól Bræðslumark 2349,0 K Suðumark 4200,0 K Efnisástand (við staðalaðstæður) Fast efni (ósegulmagnað) Lotukerfið

Bór er mikilvægt næringarefni fyrir jurtir sem geta orðið fyrir bórskorti í vissri tegund af jarðvegi. Of mikið magn bórs getur líka verið plöntum skaðlegt. Sem snefilefni hefur bór reynst vera forsenda heilsu í rottum og gert er ráð fyrir því að það gildi einnig um önnur spendýr þótt ekki sé vitað nákvæmlega hvaða hlutverki efnið gegnir.