Бело́каш (протеи́наш, полипепти́даш) — аминокислотех латташ йола, пептидий бувзамца хетта а йола лакха молекулярни органикай хӀамаш.
Дийнача организмашка белокий лоаттам генетикай кодашка хьежжа хул. Белокаш вӀашагӀъехкача хана дукхагӀча хана ткъаь аминокислотий тайпа тоъ.
Кхыча биополимерашка хьежача (полисахаридаш, ДНК) Оагилгашка белокаша кхоачашдеш дола гӀулакхаш дуккха дукхагӀа да. Ишта белокаша-ферменташа биохиме реакцеш сихъю, из бахьан долаш хӀамаш хувцаяларгахьа лоадам бола да́къа лоац цар. Цхьайолча белокаша механикай балхаш а леладу, оагилгий дегӀ чӀоагӀдеш болча го́ма даькъе а йолхаш хиларца. Иштта, белокаша керттера амал ловзаду иммунитето жоп луш сигнал дӀа-хьа йохийташи, оагилга цикл йодаши. Белокаш дийнатий (адамий а) кхачан лоадаме дакъа да. ДукхагӀа цу дийнаташца хоттаденна долча даарашка йоалл белок: дулха чу, чкъаьра чу, шура чу, иштта бӀарашкеи, кхешкеи. Йиа йола белокаш кхача Ӏохьача хана ферменташа аминокислоташ хьа а хулаш е́къ (ший белокаш хьаяр духьа) е кхы а чӀоагӀагӀа йохаю (хьинар даккхар духьа).
This article uses material from the Wikipedia ГӀалгӀай article Белокаш, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.