Շինզո Աբե (ճապ.՝ 安倍 晋三, Աբե Շինզո, սեպտեմբերի 21, 1954(1954-09-21), Շինձյուկու, Տոկիո, Ճապոնիա - հուլիսի 8, 2022(2022-07-08), Նարա բժշկական համալսարանի հոսպիտալ, Կաշիհարա, Ճապոնիա), ճապոնացի պետական և քաղաքական գործիչ, Ճապոնիայի վարչապետ և Լիբերալ-դեմոկրատական կուսակցության նախագահ 2006-2007 և 2012-2020 թվականներին։ Ճապոնիայի պատմության մեջ այդ երկրի վարչապետի պաշտոնն ամենաերկար ժամանակ զբաղեցրած անձն էր։ Սպանվել է 2022 թվականի հուլիսի 8-ին։
Շինզո Աբե | |
Կուսակցություն՝ | Ճապոնիայի Լիբերալ-դեմոկրատական կուսակցություն |
---|---|
Կրթություն՝ | Սեյկեյի համալսարան, USC Sol Price School of Public Policy?, Սեյկեյի տարրական դպրոց և Սեյկեյի բարձրագույն դպրոց |
Մասնագիտություն՝ | պետական գործիչ և քաղաքական գործիչ |
Ազգություն | Ճապոնացիներ |
Դավանանք | սինտոիզմ |
Ծննդյան օր | սեպտեմբերի 21, 1954[…] |
Ծննդավայր | Շինձյուկու, Տոկիո, Ճապոնիա |
Վախճանի օր | հուլիսի 8, 2022[…] (67 տարեկան) |
Վախճանի վայր | Նարա բժշկական համալսարանի հոսպիտալ, Կաշիհարա, Ճապոնիա[…] |
Թաղված | Kirigaya Funeral Hall |
Քաղաքացիություն | Ճապոնիա |
Հայր | Շինթարո Աբե |
Մայր | Յոկո Աբե |
Ամուսին | Աքիե Աբե |
Կայք՝ | s-abe.or.jp |
Ինքնագիր | |
Պարգևներ | |
Ծնվել է Տոկիո քաղաքի Սինձյուկու հատուկ շրջանում՝ քաղաքական անցյալ ունեցող ընտանիքում։ Հայրը՝ Շինթարո Աբեն Ճապոնիայի արտաքին գործերի նախարարն է եղել․ պապը հոր կողմից՝ Քան Աբեն ևս քաղաքական գործիչ է եղել։ Շինզո Աբեի մայրը՝ Յոքո Քիշին 1957 թվականից մինչև 1960 թթ. Ճապոնիայի վարչապետ Նոբուսուքե Քիշիի դուստրն է։ 1930-ական թվականներին Նոբուսուքե Քիշին ազդեցիկ քաղաքական և տնտեսական գործիչ է եղել Ճապոնիայի կողմից օկուպացված Մանջուրիայում, ապա զբաղեցրել է մի շարք պաշտոններ Հիդեկի Տոձիոյի կառավարության մեջ Երկրորդ աշխարհամարտի ժամանակ։ Պատերազմի ավարտից հետո Քիշին ձերբակալվել է ամերիկյան օկուպացիոն ուժերի կողմից իբրև ենթադրյալ ռազմական հանցագործ, սակայն երեք տարի անց ազատ է արձակվել և կրկին քաղաքական գործունեություն է ծավալել։
Շինզո Աբեն հանրային կառավարում և քաղաքագիտություն է ուսանել Տոկիոյի Սեյկեյ համալսարանում, որն ավարտել է 1977 թվականին։ Երեք կիսամյակ սովորել է ԱՄՆ-ում՝ Հարավային Կալիֆոռնիայի համալսարանում, այնուհետ վերադարձել է Ճապոնիա և գործի ընդունվել «Կոբե Ստիլ» պողպատագործական ընկերությունում։ 1982 թվականին թողել է ընկերությունը և անցել կուսակցական և քաղաքական գործունեության․ Լիբերալ-դեմոկրատական կուսակցության մեջ պաշտոններ է զբաղեցրել և աշխատել է իբրև իր հոր՝ այն ժամանակ Ճապոնիայի արտաքին գործերի նախարարի քարտուղարը։
Վիքիպահեստն ունի նյութեր, որոնք վերաբերում են «Շինզո Աբե» հոդվածին։ |
This article uses material from the Wikipedia Հայերեն article Շինզո Աբե, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.