शिंजो आबे
शिंजो अबे (21 सितंबर 1954 – 8 जुलाई 2022) एगो जापानी राजनीतिक नेता रहलें। ऊ 2006 से 2007 आ फेरू 2012 से 2020 ले जापान के प्रधानमंत्री रहलें।अबे 1996 से जापान के हाउस ऑफ़ रिप्रेजेंटेटिव के सदस्य रहलें। उ लिबरल डेमोक्रेटिक पार्टी के सदस्य रहलें।
| Shinzo Abe | |
|---|---|
| 安倍 晋三 | |
 Official portrait, 2020 | |
| जापान के प्रधानमंत्री | |
| कार्यकाल 26 दिसंबर 2012 – 16 सितंबर 2020 | |
| निजी जानकारी | |
| जनम | 安倍晋三 (Abe Shinzō?) 21 सितंबर 1954 शिन्जुकु, टोकियो, जापान |
| निधन | 8 जुलाई 2022 (उमिर 67) नारा प्रान्त, जापान |
| राजनीतिक पार्टी | लिबरल डेमोक्रेटिक पार्टी |
| जीवनसाथी | आकी आबे (बि. 1987) |
| महतारी | योको आबे |
| पिता | शिनतारो आबे |
| महतारी संस्था |
|
| दस्खत |  |
प्रधानमंत्री के रूप में
ऊ 2006 में जुनिचिरो कोइजुमी के बाद, जापान के 90वाँ प्रधानमंत्री, बनलें। हालाँकि, ऊ एक साल बाद 12 सितंबर 2007 के पद छोड़ दिहलें। इनके कार्यकाल खतम करे के बतावल कारण अफगानिस्तान में जापान के मिशन खातिर समर्थन के कमी रहल। हालांकि, उ पछिला कुछ महीना से कई गो संकट में भी शामिल रहले।
साल 2012 में उनुका के एक बेर फेरू पार्टी के नेता बनावल गइल अउरी उनुकर पार्टी दिसंबर 2012 में भइल चुनाव में भारी अंतर से जीत गइल। एह से ऊ प्रधानमंत्री के रूप में वापस सत्ता में आ गइलें। साल 2019 में ऊ जापान के सभसे ढेर समय ले प्रधानमंत्री रहलें। इनके आर्थिक नीति सभ के एबेनोमिक्स के नाँव से जानल जाला।
28 अगस्त 2020 के अबे अल्सर कोलाइटिस के साथ खराब स्वास्थ्य के कारण प्रधानमंत्री पद से इस्तीफा देवे के योजना के घोषणा कइलें। इनके जगह 16 सितंबर 2020 के योशिहिदे सुगा के रखल गइल।
निजी जिनगी
इनके जनम टोक्यो के शिंजुकु में भइल रहे, बाकी इनके क्षेत्र यामागुची प्रान्त में बा। ई उनकर पिता शिंतारो अबे से विरासत में मिलल रहे। उनकर दादा प्रधानमंत्री नोबुसुके किशी रहले। 1987 में इनके बियाह अकी अबे से भइल।
हत्या
8 जुलाई 2022 के जापान के नारा में भाषण देत घरी अबे के गर्दन आ छाती में गोली लागल रहे। शूटर नारा के रहे वाला 41 साल के आदमी तेत्सुया यामागामी रहलें।[9] अबे खून बहत घरी स्टेज पर गिर गइलें आ कार्डियोपल्मोनरी अरेस्ट हो गइल। एकरे बाद दिल के बिफलता के साथ जल्दी से अस्पताल में भरती हो गइलें आ इनके कौनों "जियतार रहे के संकेत" ना लउकल।
शाम 5:03 बजे जेएसटी के खबर बाहर आइल कि उनुकर मौत हो गइल बा। डाक्टर लोग के कहनाम रहे कि बहुत ढेर खून के कमी के कारण इनके मौत हो गइल रहे आ गोली एतना गहिराई में घुस गइल रहे कि इनके दिल में घुस गइल रहे।
संदर्भ
This article uses material from the Wikipedia भोजपुरी article शिंजो आबे, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.