Շառլոտենբուրգյան պալատ (գերմ.՝ Schloss Charlottenburg), Գերմանիայում բարոկկո ոճի ճարտարապետության հիասքանչ օրինակներից։ Տեղակայված է Բեռլինի նույնանուն թաղամասում։ Պալատը կառուցվել է Պրուսիական թագավորության թագավոր Ֆրիդրիխ առաջինի կնոջ՝ Սոֆիա Շառլոտտի կարգադրությամբ։ Սկզբնական շրջանում կոչվել է Լիտցենբուրգյան (գերմ.՝ Lietzenburg) և եղել է ամառային նստավայր, սակայն աստիճանաբար ընդարձակվել և դարձել է ծավալուն կառույց։
Նկարագրություն | |
Տեսակ | շատո, ամառանոց և թանգարան |
Տեղագրություն | Gardens of Charlottenburg Palace? |
Հասցե | Spandauer Damm 10-22, 14059 Berlin |
Վարչական միավոր | Շարլոտենբուրգ-Վիլմերսդորֆ և Բեռլին |
Երկիր | Գերմանիա |
Կազմված է մասերից | Neuer Pavillon? և Gardens of Charlottenburg Palace? |
Կառուցված | 1791 |
Ճարտարապետ | Johann Arnold Nering?, Johann Friedrich Eosander von Göthe?, Գեորգ Կնոբելսդորֆ և Կառլ Գոթհարդ Լանգհանս |
Պատվիրող | Սոֆի Շառլոթ Հանովերացի |
Անվանված է | Սոֆի Շառլոթ Հանովերացի |
Ճարտարապետական ոճ | բարոկկո ճարտարապետություն, ռոկոկկո և նեոդասական ճարտարապետություն |
Ընթացիկ սեփականատեր | Prussian Palaces and Gardens Foundation Berlin-Brandenburg? |
Իրադարձություններ | պատրաստման կամ շինարարության սկիզբ և հետպատերազմյան վերակառուցում |
Կայք | spsg.de/schloesser-gaerten/objekt/schloss-charlottenburg-altes-schloss/ |
Charlottenburg Palace Վիքիպահեստում |
Շառլոտեբուրգ պալատի գլխավոր մուտքն ունի 48 մետրանոց գմբեթ, որի վրա Ֆորտունայի ոսկեզօծ արձանն է։ Պալատի գլխավոր թևում տեղակայված են Ֆրիդրիխի սենյակները։ Հատկապես հետաքրքիր է ընդունելությունների դահլիճը՝ հսկայական տարածք բարձր կամարներով, որմնախորշերով և հարթաքանդակներով։ Արևմտյան թևի վերջնամասում գտնվում է ճենապակյա դահլիճը, որտեղ կա չինական ճենապակու սքանչելի հավաքածու։
Պալատի արևմտյան կողմում է գտնվում մեծ ծաղկաջերմոցը, որը կառուցվել է 1709-1712 թվականներին։ Ձմռանը այնտեղ ցուցադրվել են հազվագյուտ բույսեր, իսկ ամռան ամիսներին այնտեղ անցկացվել են տոնական ցուցադրություններ։ Պալատը քանդվել է Երկրորդ համաշխարհային պատերազմի ժամանակ և վերականգնողական աշխատանքներից հետո այնտեղ այժմ անցկացվում են հանդիսավոր երեկոներ, համերգներ։
Արևելյան կողմում տեղակայված են իտալական ոճով ամառային տնակը` Շինկելի տաղավարը (Schinkel Pavillon)։ Կառլ Ֆրիդրիխ Շինկելը այդ ժամանակաշրջանի առաջատար ճարտարապետն էր և այդ տունը կառուցել է 1825 թվականին, այժմ այդտեղ է գտնվում փոքր, բայց այցելությունների արժանի թանգարան, որտեղ ցուցադրվում են 1800-ական թվականների նկարիչների նկարներ և գծանկարներ։ Որոշ գեղանկարների հեղինակ է հենց ինքը՝ Շինկելը։
Պալատի ձևավորմանը մասնակցել է քանդակագործ Գուստավ Հերման Բլեզերը, ով քանդակել է Դանթեի, Պետրարկայի, Տասսոյի և Արիոստոյի մարմարե կիսանդրիները։
Պալատական այգում գտնվում է դամբարան, որը կառուցվել է 1810 թվականին, և այնտեղ են թաղված Պրուսիայի թագուհի Լուիզան, նրա ամուսին Ֆրիդրիխ Վիլհելմ 3-րդը և թագավորական ընտանիքի մյուս անդամները։
Վիքիպահեստն ունի նյութեր, որոնք վերաբերում են «Շառլոտենբուրգյան պալատ» հոդվածին։ |
This article uses material from the Wikipedia Հայերեն article Շառլոտենբուրգյան պալատ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.