Կորտանա, արհեստական ինտելեկտով հագեցած վիրտուալ ձայնային օգնական Microsoft-ի կողմից, Windiws Phone 8.1, Microsoft Band, Windows 10, Android, Xbox One և iOS համար։
Առաջին անգամ ցուցադրվել է 2014 թվականի ապրիլի 2-ին Սան Ֆրանցիսկոյում կայացած Bulid կոնֆերանսի շրջանակներում։ Կորտանան իր անվանումը ստացել է ի պատիվ Halo համակարգչային խաղի հերոսի, օգտականի ձայնը ամերիկյան տարբերակի համար պատկանում է Ջեն Թեյլորին։
Կորտանա անձնական օգնականը կոչված է կանխատեսելու օգտատիրոջ կարիքները։ Ցանկության դեպքում նրան կարող եք հասանելություն տալ ձեր անձնական տվյալներին, ինչպիսք են օրինակ՝ էլեկտրոնային փոստը, հասցեագիրքը, համացանցում որոնումների պատմությունը։ Կորտոնան փոխարինում է ստանդարտ որոնողական համակարգը և կկանչվի «Որոնում» ստեղնի միջոցով։ Անհրաժեշտ հարցումը կատարվում է ինչպես ձեռքով ներմուծելով, այնպես էլ ձայնով։ Անհրաժեշտ տեղեկությունը նա գտնում է Bing-ում, Foursquare-ում որոնման արդյունքում, ինչպես նաև հնարավոր է որոնում կատարել անձնական ֆայլերում։ Վիրտուալ օգնականը զրկված չէ հումորի զգացումից, նա կարող էր ձեր հետ պահպանել զրույցը, երգել երգեր և պատմել անեկդոտներ։ Այն նախօրոք հիշեցնում է կարևոր հանդիպումների, ծննդյան օրվա և այլ կարևոր դեպքերի մասին։ Կորտոնան հաղորդում է եթե թռիչքը չեղյալ է համարվել կամ ճանապարհին շատ են խցանումները։ Այն ունի շատ ճկուն կարգավորումների համակարգ, որը թույլ է տալիս օգտատիրոջը ինքնին ընտրել թե ինչ տեսակի տեղեկություն տրամադրի օգնականը։ Ծրագրավորողների խոսքերով, այսպիսի աստիճանի ղեկավարում չունեն Siri-ն և Google Assitant-ը։
Կորտանան օգտագործում է Edge դիտարկիչը և Bing որոնողական համակարգը։
Կորտանան ունի տարիքային սահմանափակում, նրա ծառայություններից չեն կարող օգտվել այն անձիք, որոնց Microsoft հաշվում տարիքը նշված է 13-ից ցածր։ Օգտականին ակտիվացնելու փորձի և նրան ինչ-որ հարց տալուց առաջ, օգտատերը լսում է՝ «Ցավում եմ, դուք պետք է մի քիչ էլ մեծ լինեք, որպեսզի ես ձեզ օգնեմ»։ Հնարավոր է, որ դրա պատճառը այն է, որ բազմաթիվ էջեր, որոնք օգտագործում է Կորտանան նախատեսված չեն դպրոցական տարիքի և երեխաների համար։
Ձայնային օգնական Կորտանան ինտեգրվել է Windows 10-ում, բայց այն հասանելի չի ռուսերենով։ Այն հանդես չի գալիս ինչպես առանձին ծրագիր, տեղակայված է որոնման դաշտում։ Ինչ կապված է ֆունկցիոնալին, այն Windows Phone 8.1-ի անալոգն է։ Օգտատերը կարող է տեղեկություն փնտրել ստեղնաշարի և մկնիկի միջոցով, ինչպես նաև ձայնի միջոցով։ Հրամանի հասկացումից հետո, օգտականը սկսուկում է որոնումը համացանցում կամ համակարգչում։
Կորտանան հավաքում է օգտատերերի անձնական տվյալները, զանգերի պատմությունը և տեքստային հաղորդագրությունները ուղղարկելով դրանք Microsoft-ին։ Նաև Կորտանան իր աշխատանքի համար պահանջում է թույլատրություն դեպի օպերացիոն համակարգ։
Ներկա պահին Կորտանան հասանելի է միայն անգլերենով, գերմաներենով, ֆրանսերենով, իտալերենով, իսպաներենով, ճապոներենով և չինարեն լեզուներ, բայց ստեղծողները խոստացել են հետագայում նույնպես ավելացնել նաև այլ լեզուներ և բարբառներ։
Լեզու | Տարածաշրջան | Կարգավիճակ |
---|---|---|
Անգլերեն | ԱՄՆ | Հասանելի է |
Մեծ Բրիտանիա | Հասանելի է | |
Կանադա | Հասանելի է | |
Ավստրալիա | Հասանելի է | |
Հնդկաստան | Հասանելի է | |
Գերմաներեն | Գերմանիա | Հասանելի է |
Իտալերեն | Իտալիա | Հասանելի է |
Իսպաներեն | Իսպանիա | Հասանելի է |
Մեքսիկա | Հասանելի է | |
Ֆրանսերեն | Ֆրանսիա | Հասանելի է |
Կանադա | Հասանելի է | |
Չինարեն | Չինաստանի Ժողովրդական Հանրապետություն | Հասանելի է |
Պորտուգալերեն | Բրազիլիա | Հասանելի է |
Ճապոներեն | Ճապոնիա | Հասանելի է |
This article uses material from the Wikipedia Հայերեն article Կորտանա (ձայնային օգնական), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.