Լիսանդրո Մարտինես: արգենտինացի ֆուտբոլիստ
Լիսանդրո Մարտինես (իսպ.՝ Lisandro Martínez, հունվարի 18, 1998(1998-01-18), Գուալեգուայ, Էնտրե Ռիոս, Արգենտինա), արգենտինացի ֆուտբոլիստ, անգլիական «Մանչեսթեր Յունայթեդ» ակումբի և Արգենտինայի ֆուտբոլի ազգային հավաքականի պաշտպան, Ֆուտբոլի աշխարհի առաջնություն 2022-ի չեմպիոն։
 իսպ.՝ Lisandro Martínez | |||
|---|---|---|---|
 | |||
| Քաղաքացիությունը |  Արգենտինա | ||
| Ծննդյան ամսաթիվ | հունվարի 18, 1998 (26 տարեկան) | ||
| Ծննդավայր | Գուալեգուայ, Էնտրե Ռիոս, Արգենտինա | ||
| Հասակ | 175 սանտիմետր | ||
| Քաշ | 77 կիլոգրամ | ||
| Դիրք | պաշտպան | ||
| | |||
| | |||
| | |||
| | |||
| | |||
Ակումբային կարիերա
Կարիերայի սկիզբը Արգենտինայում
Մարտինեսը «Նյուելս Օլդ Բոյզ» ակումբի սան է։ 2017 թվականի հունիսի 28-ին «Գոդոյ Կրուսի» դեմ խաղում իր նորամուտն է նշել Արգենտինայի ֆուտբոլի առաջնությունում։ Նույն թվականին խաղային պրակտիկա ստանալու համար Մարտինեսը վարձավճարով տեղափոխվել է «Դեֆենսա և Խուստիսիա»։ Հոկտեմբերի 14-ին «Սան Լորենսոյի» դեմ խաղում նորամուտն է նշել նոր ակումբում։ Նոյեմբերի 5-ին «Տեմպերլեյի» դեմ խաղում Լիսանդրոն խփել է իր առաջին գոլը «Դեֆենսա և Խուստիսիայի» կազմում։ 2018 թվականի ամռանը ակումբը 550 հազար եվրոյով գնել է Մարտինեսի տրանսֆերը։
«Այաքս»
2019 թվականի մայիսի 20-ին Մարտինեսը քառամյա պայմանագիր է կնքել Ամստերդամի «Այաքսի»հետ։ Տրանսֆերի արժեքը կազմել է 7 միլիոն եվրո։ 2019 թվականի օգոստոսի 3-ին«Վիտեսի» դեմ խաղում նորամուտն է նշել Նիդերլանդների ֆուտբոլի առաջնությունում։
Սեպտեմբերի 28-ին «Գրոնինգենի» դեմ խաղում Լիսանդրոն խփել է իր առաջին գոլը «Այաքսի» կազմում։ Ակումբի կազմում Մարտինեսը երկու անգամ հաղթել է Նիդերլանդների առաջնությունում և նվաճել Նիդերլանդների գավաթը։
«Մանչեսթեր Յունայթեդ»
2022 թվականի հուլիսի 17-ին «<Մանչեսթեր Յունայթեդը» հայտարարել է Մարտինեսի տրանսֆերի շուրջ համաձայնության մասին։ 2022 թվականի հուլիսի 27-ին խաղացողը պայմանագիր է կնքել անգլիական ակումբի հետ մինչև 2027 թվականը՝ ևս մեկ տարով երկարաձգելու հնարավորությամբ։ Տրանսֆերի գումարը կազմել է 48,3 մլն ֆունտ, սակայն որոշակի պայմանների կատարման դեպքում կարող է հասնել 56,7 մլն ֆունտի։ 2022 թվականի օգոստոսի 7-ին նա նորամուտն է նշել «Մանչեսթեր Յունայթեդի» կազմում Անգլիայի ֆուտբոլի առաջնության «Բրայթոն ընդ Հոուվ Ալբիոնի» դեմ խաղում։ 2023 թվականի հունվարի 22-ին «Արսենալի» դեմ խաղում խփել է իր առաջին գոլը «Մանչեսթեր Յունայթեդի» կազմում։ Նույն տարվա փետրվարի 26-ին նվաճել է իր առաջին գավաթը Անգլիայում՝ հաղթելով «Նյուքասլ Յունայթեդին » Անգլիայի ֆուտբոլի գավաթի եզրափակիչում։
2023 թվականի ապրիլի 13-ին վնասել է աջ ոտքը ՈՒԵՖԱ-ի Եվրոպայի լիգայի «Սևիլյաի» դեմ խաղում։ Հաջորդ օրը «Մանչեսթեր Յունայթեդը» հաստատել է, որ Մարտինեսը ստացել է աջ ոտնաթաթի ոսկորի կոտրվածք, որի պատճառով բաց կթողնի 2022/23 մրցաշրջանի մնացած հատվածը։
Կարիերա հավաքականում
2017 թվականին Մարտինեսը Արգենտինայի մինչև 20 տարեկանների հավաքականի կազմում մասնակցել է Էկվադորում կայացած Հարավային Ամերիկայի երիտասարդական առաջնությանը։ Մրցաշարում նա խաղացել է Էկվադորի, Ուրուգվայի և երկու անգամ՝ Վենեսուելայի թիմերի դեմ խաղում։
2017 թվականին Մարտինեսը Արգենտինայի հավաքականի կազմում մասնակցել է Հարավային Կորեայում կայացած Աշխարհի երիտասարդական առաջնությանը։ Նա մրցախաղում եղել է պահեստային և խաղադաշտ դուրս չի եկել։
2019 թվականի մարտի 22-ին Վենեսուելայի հավաքականի դեմ ընկերական խաղում Մարտինեսը նորամուտն է նշել Արգենտինայի հավաքականում։
2021 թվականին Մարտինեսը նվաճել է Ամերիկայի գավաթը։ Մրցաշրջանում խաղացել է Բոլիվիայի հավաքականի դեմ հանդիպմանը։
2022 թվականի հունիսի 1-ին հաղթել է Ֆինալիսիմում։
2022 թվականի նոյեմբերին ընդգրկվել է Արգենտինայի հավաքականի հայտացուցակում Քաթարում կայանալիք Ֆուտբոլի աշխարհի առաջնությանը մասնակցելու համար։ Դեկտեմբերի 18-ին դարձել է աշխարհի չեմպիոն։ Նա մրցաշարում անցկացրել է 5 հանդիպում։
Ձեռքբերումներ
Թիմային նվաճումներ
«Այաքս»
- Նիդերլանդների ֆուտբոլի առաջնության չեմպիոն (2)՝ 2020/21, 2021/22
- Նիդերլանդների ֆուտբ ոլի գավաթի գավաթակիր՝ 2020/21
- Նիդերլանդների Սուպերգավաթի գավաթակիր՝ 2019
«Մանչեսթեր Յունայթեդ»
- Ֆուտբոլային լիգայի գավաթի գավաթակիր՝ 2022/23
Արգենտինայի հավաքական
- Ֆուտբոլի Ամերիկայի գավաթի գավաթակիր՝ 2021
- Ֆինալիսիմա 2022-ի հաղթող
- Ֆուտբոլի աշխարհի առաջնության չեմպիոն՝ 2022
Ելույթների վիճակագրություն
Ակումբային կարիերա
| Ակումբ | Մրցաշրջան | Լիգա | Գավաթներ | Միջազգային գավաթներ | Այլ | Ընդամենը | |||||
|---|---|---|---|---|---|---|---|---|---|---|---|
| Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Նյուելս Օլդ Բոյզ | 2016/17 | 1 | 0 | 0 | 0 | 1 | 0 | ||||
| Ընդամենը | 1 | 0 | 0 | 0 | 1 | 0 | |||||
| Դեֆենսա և Խուստիսիա | 2017/18 | 21 | 1 | 1 | 0 | 2 | 0 | 24 | 1 | ||
| 2018/19 | 25 | 2 | 2 | 0 | 7 | 0 | 34 | 2 | |||
| Ընդամենը | 46 | 3 | 3 | 0 | 9 | 0 | 58 | 3 | |||
| Այաքս | 2019/20 | 24 | 2 | 4 | 0 | 12 | 0 | 1 | 0 | 41 | 2 |
| 2020/21 | 26 | 3 | 5 | 0 | 11 | 0 | 42 | 3 | |||
| 2021/22 | 24 | 1 | 4 | 0 | 8 | 0 | 1 | 0 | 37 | 1 | |
| Ընդամենը | 74 | 6 | 13 | 0 | 31 | 0 | 2 | 0 | 120 | 6 | |
| Մանչեսթեր Յունայթեդ | 2022/23 | 27 | 1 | 8 | 0 | 10 | 0 | 0 | 0 | 45 | 1 |
| Ընդամենը | 27 | 1 | 8 | 0 | 10 | 0 | 0 | 0 | 45 | 1 | |
| Ընդամենը կարիերայի ընթացքում | 148 | 10 | 24 | 0 | 50 | 0 | 2 | 0 | 224 | 10 | |
Ծանոթագրություններ
Արտաքին հղումներ
- Профиль футболиста на официальном сайте ФК «Манчестер Юнайтед»(անգլ.)
 | Վիքիպահեստն ունի նյութեր, որոնք վերաբերում են «Լիսանդրո Մարտինես» հոդվածին։ |
This article uses material from the Wikipedia Հայերեն article Լիսանդրո Մարտինես, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.