Դերբենդ (ռուս.՝ Дербе́нт, ավարերեն՝ Дербенд, լեզգիներեն՝ Кьвевар, պարս.՝ دربند` «Դարբանդ»-ից - «նեղ դարպասներ»), հին հայկական անվանումը՝ Աղվանից դուռ, քաղաք Դաղստանում, Ռուսաստան։ Դերբենդը Ռուսաստանի ամենահարավային քաղաքն է։
Քաղաք | |||
---|---|---|---|
Դերբենդ | |||
ռուս.՝ Дербе́нт | |||
| |||
Երկիր | Ռուսաստան | ||
Երկրամաս | Դաղստան | ||
Ներքին բաժանում | Շրջաններ | ||
Քաղաքապետ | Իմամ Յարալիև | ||
Հիմնադրված է | 438 թ. | ||
Առաջին հիշատակում | Մ.թ.ա. 6-րդ դար | ||
Այլ անվանումներ | Դարբանդ, Ճորա պահակ | ||
Տվյալ կարգավիճակում | 1840 թ թվականից | ||
Մակերես | 69,63 կմ² | ||
ԲԾՄ | 150—255 մ | ||
Կլիմայի տեսակ | Չափավոր տաք | ||
Պաշտոնական լեզու | Ռուսերեն | ||
Բնակչություն | ▲ 119 476 մարդ (2012) | ||
Խտություն | 1615,2 մարդ/կմ² | ||
Ազգային կազմ | լեզգիներ (32,62%), ադրբեջանցիներ (31,74%), տաբասարաններ (15,45%), դարգինցներ (5,53%), ռուսներ (5,02%) | ||
Կրոնական կազմ | Իսլամ, Քրիստոնեություն, Հուդայականություն | ||
Տեղաբնականուն | Դերբենդցի | ||
Ժամային գոտի | UTC+3 | ||
Հեռախոսային կոդ | 87240 | ||
Փոստային դասիչ | 368600 | ||
Պաշտոնական կայք | derbent.org | ||
| |||
Քաղաքը համարվում է աշխարհի ներկայումս բնակեցված հնագույն քաղաքներից մեկը և Ռուսաստանի հնագույն քաղաքը։ Առաջին բնակավայրերն ի հայտ են եկել բրոնզի դարում` մ. թ. ա. 4-րդ հազարամյակի վերջում։ Դերբենդի հին` Կասպիական դարպասներ անվանումն առաջին անգամ հիշատակվում է մ. թ. ա. 6-րդ դարում։ Հիմնադրվել է Սասանյան Իրանի կողմից որպես պատնեշ ընդդեմ հյուսիսային ցեղերի հարձակումների։ Հայկական պատմագրությունում քաղաքը հաճախ կոչվել է Ճորա պահակ։
Դերբենդում հայերը հիշատակվում են 11-րդ դարից։ Միջնադարյան Դերբենդում եղել է հայկական համայնք, որը համալրվել է Արևելյան Անդրկովկասից հայ բնակչության ներհոսքի հետևանքով։ Որոշ արաբական աղբյուրներում Դերբենդը անվանվում է «Հայկական քաղաք»։ Սակայն 18-րդ դարի սկզբին Պետրոս I-ի Կասպիական արշավանքի և 18-րդ դարի վերջին գեներալ Զուբովի արշավանքից հետո Դերբենդի և մերձակա գյուղերի հայերը նահանջող ռուսական զորքերի հետ հեռացել են՝ չցանկանալով մնալ Սեֆյանների լծի տակ։
19-րդ դարի սկզբին (Դաղստանը Ռուսաստանին միանալուց հետո) Դերբենդում սկսել է վերականգնվել հայկական համայնքը։ Բացի նախկին Սուրբ Ամենափրկիչ եկեղեցուց, 1870-ին կառուցվել է Սուրբ Աստվածածին հայկական եկեղեցին։ 19-րդ դարի 2-րդ կեսին բացվել են հայկական ծխական և Մարիամյան իգական դպրոցները։ 1913-ին Դերբենդում ապրում էր մոտ 3 հազար հայ։
Բնակչության թվաքանակը | ||||||
---|---|---|---|---|---|---|
1856 | 1886 | 1897 | 1926 | 1931 | 1939 | 1959 |
13 900 | ↗15 300 | ↘14 600 | ↗23 100 | ↗27 500 | ↗34 100 | ↗47 318 |
1962 | 1967 | 1970 | 1973 | 1976 | 1979 | 1982 |
↗52 000 | ↗59 000 | ↘57 192 | ↗61 000 | ↗64 000 | ↗69 575 | ↗75 000 |
1986 | 1987 | 1989 | 1992 | 1996 | 1998 | 2000 |
↗81 000 | ↗83 000 | ↘78 371 | ↗82 000 | ↗90 000 | ↗91 100 | ↗93 100 |
2001 | 2002 | 2003 | 2004 | 2005 | 2006 | 2007 |
↗94 200 | ↗101 031 | ↘101 000 | ↗103 100 | ↗104 800 | ↗106 300 | ↗107 700 |
2008 | 2009 | 2010 | 2011 | 2012 | 2013 | 2014 |
↗109 000 | ↗110 659 | ↗119 200 | ↗120 000 | ↘119 476 | ↗119 813 | ↗120 470 |
2015 | 2016 | 2017 | 2018 | 2019 | ||
↗121 251 | ↗122 354 | ↗123 162 | ↗123 720 | ↗124 677 |
Վիքիպահեստն ունի նյութեր, որոնք վերաբերում են «Դերբենդ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 362)։ |
This article uses material from the Wikipedia Հայերեն article Դերբենդ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.