الطوݣو

تاتحدّها غانا من لغرب، بينين من الشرق، بوركينا فاصو من الشمال، و لمحيط لأطلسي ف لجنوب. لمساحة ديال لبلاد كاملة هي 56,785 كم²، و هو اللي تيخلّيها تكون ما بين أصغر لبلدان ف إفريقيا. لعرض ديال الطوݣو صغير بزاف، و لمسافة ما بين لحدود ف الشرق (مع بينين) و ف لغرب (مع غانا) غير 115 كيلوميطر.

الطوݣو
Togo (ee)
نشيد	السلام عليكم أرض جدودنا [[فيشي:|100px]]
لعاصيمة	لومي
الساكينة
شحال دالسكان	7,797,694 (2017)
السمية ديال السكان	طوڭولي، طوڭولية، طوڭوليين, طوڭوليات
اللوغات الرسمية	لفرانساوية
متوسط ديال لعمر	60.232 (2016)
لجغرافيا
لميساحة	56,785 كم²
لقمة لعالية	جبل أڭو (986 م)
لبلاصة الطايحة	لخليج د بينين (0 م)
لإدارة
رئيس توغو	فور غناسينغبي
رئيس وزراء توغو	فيكتوار توميغا داغبي
لبرلمان	لجمعية لوطنية د الطوڭو
لقتيصاد
الناتج الداخلي لكامل	8,334,047,486 $ (2021)
لبيطالة (شوماج)	7 % (2014)
مؤشر التنمية لبشرية	0.539 (2021)
لفلوس	لفرنك لغرب إفريقي
معلومات خرة
توقيت ديال لبلاد	ڭريتينش Africa/Lome
رمز لبلاد	TG
رمز لانترنيت	‎.tg‎
رمز التيليفون	+228
نماري د ليرجونس	118، 117، 171 و 172
جيهة د صوڭان	ليمن
السيت الرسمي	republicoftogo.com

الطوݣو عندها تاريخ قديم و سكنو فيها بزاف د لقبايل. من لقرن 16 ل 18، كانت لمنطقة معروفة ف لعالم بلبيع و الشرا د لعبيد، حتا تعرفات واحد لوقت ب "الساحل د لعبيد". ف 1884، ستعمرات ألمانيا لمنطقة، و سمّاتها "طوݣولاند". و لكن مورا لحرب لعالمية اللولا، اللي خسرات فيها ألمانيا، خدات فرانسا لبلاد، و بقات مستعمراها، تا ستاقلاّت لجمهورية د الطوݣو ف 1960.

تيسكنو ف طوݣو تقريبا 8.2 مليون د الناس، و لعاصمة ديالا هي لومي. اللغة الرسمية د لبلاد هي لفرانساوية، و لفلوس اللي كاتخدّم هي لفرنك د غرب إفريقيا. لأغلبية د السكان د طوݣو تيآمنو بلأديان لمحليّة ديالهم، و عاد كاين أقليات ديال لمسيحيين و لمسلمين ف لبلاد. طوݣو داخلة ف بزاف د لمنضمات عالمية بحال لأمم لمتحدة و لإتحاد لإفريقي، لمنضمة د التعاون لإسلامي، لمنضمة لعالمية د لفرونكفونية و إيكوواس.