ටෝගෝ
ටෝගෝ ජනරජය යනුවෙන් නිල වශයෙන් හදුන්වන ටෝගෝ රාජ්‍යය, බටහිර අප්‍රිකාවේ පිහිටි රටකි.
බටහිරින් ඝානාවද, නැගෙනහිරින් බෙහින් ද, උතුරින් බුර්කිනා ෆ්සෝද මෙ‍රටෙහි දේශ සීමාවන් වේ. එයට දකුණු දෙසින්, ලෝමේ (Lome) නම් වූ අගනගරය පිහිටා ඇති අතර මෙම නගරය ගිණියා බොක්ක දක්වා විහිදෙයි. ටෝගෝ රාජ්‍යය,දළ වශයෙන් වර්ග කිලෝමීටර් 57000 (වර්ග සැතපුම් 22,000) ප්‍රමාණයක් භූගෝලීය වශයෙන් ආවරණය කෙරේ. මෙහි ජනගහනය දළ වශයෙන් මිලියන 6.7 කි.
| ආදර්ශ පාඨය | "ක්‍රියාව, නිදහස, වාසභූමිය" |
| ජාතික ගීය | Salut à toi, pays de nos aïeux (ප්‍රංශ) |
| සිතියම | |
| අගනුවර සහ විශාලම නගරය | ලොමි |
| රාජ්‍ය භාෂාව | ප්‍රංශ භාෂාව |
| රාජ්‍ය | ජනරජය |
| ජනාධිපති | ෆ්වුරි ග්නාස්සින්ග්බෙ |
| අගමැති | ජිල්බර්ට් හොන්ග්බො |
| නිදහස ප්‍රංශයේ සිට | අප්‍රේල් 27, 1960 |
| වර්ග ප්‍රමාණය | |
| එකතුව | වර්ග කිලෝමීටර 56,785 |
| වර්ග සැතපුම් 21,925 | |
| ජලය (%) | 4.2 |
| ජනගහනය | |
| 2009 තක්සේරුව | 6,619,000 |
| ඝනත්වය | වර්ග කිලෝමීටර 116.6 |
| වර්ග සැතපුම් 301.9 | |
| දළ ජාතික නිෂ්පාදිතය | 2009 තක්සේරුව |
| එකතුව | ඩොලර් 5.612 (බිලියන) |
| සාමාන්‍ය | ඩොලර් 826 |
| දළ ජාතික නිෂ්පාදිතය (සාමාන්‍ය) | 2009 තක්සේරුව |
| එකතුව | ඩොලර් 2.865 (බිලියන) |
| සාමාන්‍ය | ඩොලර් 422 |
| මානව සංවර්ධන දර්ශකය HDI (2007) | 0.499 1(අඩු) |
| මුදල් | ෆෑන්ක් (XOF) |
| අන්තර්ජාල "' | .tg |
| දුරකථන සංකේත | +228 |
ටෝගෝ රාජ්‍යය, ප්‍රධාන වශයෙන්ම කෘෂිකර්මාන්තය මත යැපෙන ඝර්ම කලාපීය රටක් වන අතර වගාවනට සුදුසු යහපත් දේශගුණයක් මෙහි තිබේ .ටෝගෝහි රාජ්‍ය භාෂාව වන්නේ ප්‍රංශ භාෂාවයි. කෙසේ වෙතත්, ටෝගෝ හි භාවිතා කෙරෙන වෙනත් භාෂාවන් ද රැසක් වෙයි.එහෙත් දළ වශයෙන් ජනගහනයෙන් හරි අඩක් පමණ ජාත්‍යන්තර වශයෙන් නිර්ණය කෙරුණු දෛනික පහල ආදායම් මට්ටම වන අමෙරිකන් ඩොලර් 1.25 ට වඩා අඩු ආදායම් ලබමින් ජිවත් වන්නෝය.ටෝගෝ, ප්‍රංශය වෙතින් නිදහස ලබා ගත්තේ වර්ෂ 1960 දී ය. වර්ෂ 1967 දී 'ඥසිංබෙ අයඩෙමා' (Ganassingbe Eyadema) ගේ නායකත්වයෙන් සාර්ථක හමුදා කුමන්ත්‍රණයක් දියත් වූ අතර අනතුරුව ඔහු ටෝගෝ හි ජනාධිපතිවරයා බවට පත්විය. ඔහුගේ මරණය සිදුවු 2005 වන විටදි අයඩෙමා (Eyadema), නූතන අප්‍රිකා ඉතිහාසයෙහි දීර්ඝතම කාලයක් රාජ්‍ය නායකත්වයක් දැරූ පුද්ගලයා බවට පත්ව සිටියේ ය. ඔහු ජනාධිපති ධූරය හෙබවූ කාලය අඛණ්ඩව වසර 38 ක් විය. අනතුරුව වර්ෂ 2005 දී ඔහුගේ පුත් 'ෆාරේ ඥාසිංබේ' (Faure Gnassinbe) නව ජනාධිපතිවරයා ලෙස මැතිවරණයෙන් තෝරා පත් කර ගන්නා ලදි.
This article uses material from the Wikipedia සිංහල article ටෝගෝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.