D Marshallinsle si en Inselgruppe im westlige Pazifische Ozean, wo zu Mikronesie ghört.
Politisch si d Marshallinsle under em Name Republik Marshallinsle (marshallesisch Aolepān Aorōkin M̧ajeļ) en Inselstaat, wo die ganzi Inselgruppe umfasst.
Aolepān Aorōkin M̧ajeļ (marshallesisch)Republic of the Marshall Islands (englisch) | |||||
| |||||
Wahlspruch: Jepilpilin ke ejukaan (marshallesisch) | |||||
Amtsspraach | Marshallesisch und Änglisch | ||||
Hauptstadt | Majuro | ||||
Staatsoberhaupt und Regierigschef | Hilda Heine | ||||
Flächi | 181,3 km² | ||||
Iiwohnerzahl | 63.174 (Stand Juli 2008) | ||||
Bevölkerigsdichti | 348,5 Iiwohner pro km² | ||||
Bruttoinlandsprodukt pro Iiwohner | 2.600 US-$ (2004) | ||||
Währig | US-Dollar | ||||
Unabhängigkeit | 21. Oktober 1986 | ||||
Nationalhimne | Forever Marshall Islands | ||||
Zitzone | UTC +12h | ||||
Kfz-Kennzeiche | MH | ||||
Internet-TLD | .mh | ||||
Vorwahl | + 692 | ||||
D Marshallinsle bestöhn us zwei fast parallele Insel- beziehigswiis Atollchettene: D Ratak-Chetti (Sunneufgangsinsle) mit 14 Atoll und 2 Insle im Oste und d Ralik-Chetti (Sunnenundergangsinsle) mit 15 Atoll und 3 Insle im Weste.
Zu de Inselchettene ghöre im Ganze 1.156 grösseri und chliineri Insle und 870 Riff. Si si über e Gebiet vo 1.900.000 km² im mittlere Pazifik verstreut.
S Klima isch füecht und heiss mit ere Rägezit vom Mai bis zum Novämber. D Insle wärde glägentlig vo Taifun heimgsuecht.
Zwei Drittel vo dr Bevölkerig läbe uf de Insle vom Majuro-Atoll und uf Ebeye. Die andere Insle si nume dünn besiidlet oder unbewohnt wil Arbets- und Entwickligsmöglichkeite fehle.
D Hauptstadt isch d Gmeind Majuro im Südoste vom Atoll mit em gliiche Name.
D Amtssprooche si Marshallesisch und Änglisch.
90 Prozänt vo dr Bevölkerig ghöre zur Unabhängige Protestantische Chille vo de Marshallinsle, 8,5 Prozänt si römisch-katholisch.
This article uses material from the Wikipedia Alemannisch article Marshallinseln, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.