Guam
Guam (Chamorro: Guåhån) isch di grösschti und sidlichsti Insle vum Mariane-Archipel im weschtpazifischen Ozean.
Si isch e nitinkorporierts Territorium vu dr USA (Ussegebiät vu dr Veräinigte Staate). D Hauptschtadt isch Hagåtña, früehner Agana, bevölkerigsriichschti Siedlig allerdings isch Dededo.
| Guam Guåhån | |||||
| |||||
| Amtsspraach | Änglisch, Chamorro, Karolinisch | ||||
| Hauptstadt | Hagåtña | ||||
| Staatsoberhaupt | Bresidänt Donald Trump | ||||
| Regierigschef | Governeur Eddie Baza Calvo | ||||
| Flächi | 545 km² | ||||
| Iiwohnerzahl | 185.427 (Stang April 2012) | ||||
| Bevölkerigsdichti | 340,23 Iiwohner pro km² | ||||
| Währig | US-Dollar (USD) | ||||
| Nationalhimne | Stand Ye Guamanians | ||||
| Zitzone | UTC+10 | ||||
| Kfz-Kennzeiche | USA | ||||
| Internet-TLD | .gu | ||||
| Vorwahl | +1 (671) siihe NANP | ||||
_(small_islands_magnified).svg) | |||||
 | |||||
 | |||||
Bekannt woorde isch d Insle dure dert befindlichi schtrategisch wichtigi amerikanischi Luftwaffestützpunkt Andersen Air Force Base. Au bekannt isch s schpektakuläri Usschtärbe vu fascht dr gsamte iihäimische Vogelwält dur vermuetlich während em Zwäite Wältchrieg bi Truppe- und Materialtransport as Neozooe iigschleppte Bruune Nachtbaumnattere (Boiga irregularis).
Geografii
Guam ghört geografiisch zu dr Inselregion Mikronesie und bestoht us eneme flache, koralline Chalchplateau uf vulkanischem Undergrund (au gliichziitig d Quälle vum meischte Süesswasser) mit steil ufragende Küschteklippene und enere schmale Küschteäbeni im Noorde, enere flach gwällte Hügellandschaft in dr Inselmitti und Bärge im Side. D Insle ligt in enere ärdbebegfährdete Zone. I vergangene Johre händ Ärdbebe, wo iri Epizäntre nooch bi Guam gha händ, Schterchene vo 7,0 bis 8,2 uf dr Richterskala erreicht.
D Insle ligt 6298 km weschtlich vu Hawaii, 2058 km eschtlech vu dr Philippine (Insle Mindanao) und 2386 km sidlich vu Japan (Insle Honshū).
Guam isch ungfähr 48 km lang und 18,5 km breit. D Lengi vu dr Küschtelinie biträit 149 km. Dr hechsti Punkt vu dr Insle isch dr Mount Lamlam (406 m).
Weblingg
Commons: Guam – Sammlig vo Multimediadateie
Wikimedia-Atlas: Guam – geographischi un historischi Charte- Offiziälli Website vu Guam
- Guam Allgmein (änglisch)
- Detaillierti, nit über de Geohack erreichbari Charte (Site cha nüme abgrüeft wärde; Suche im Webarchiv)
![[1]](http://deadurl.invalid/http://www.lib.utexas.edu/maps/onc/txu-pclmaps-oclc-8312829_k_13.jpg){kind=link}
![[2]](http://www.lib.utexas.edu/maps/onc/txu-pclmaps-oclc-8312829_k_13.jpg){kind=link}
This article uses material from the Wikipedia Alemannisch article Guam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.