Navassa (änglisch Navassa Island, französisch Île de la Navasse oder La Navase, kreol: Lanavaz oder Lavsh), isch en unbewohnti Insle im Karibische Meer.
Si lit zwüsche Haiti und Jamaika und ghört as nitinkorporierts amerikanischs Ussegebiet zu de USA. D Insle wird au vo Haiti beaasprucht, wil si uf oder vor em Inselsockel vo Hispaniola lit.
Navassa | |
---|---|
NASA-Bild vo Navassa | |
Gwässer | Karibischs Meer |
Inselgruppe | Grossi Antille |
Geographische Lage | , 75° 0′ 50″ W18° 24′ 10″ N, 75° 0′ 50″ W |
Flechi | 5,4 km² |
Hechschti Hebi | Dunning Hill 77 m |
Iiwohner | unbewohnt |
Hauptort | Lulu Town (historisch) |
Charte vo Navassa |
Navassa lit öbbe 50 km westlig vo dr Tiburon-Halbinsle uf Haiti und öbbe 160 km südlig vo dr Guantánamo-Bucht uf Kuba. Navassa isch, ähnlig wie d Hendersoninsle im Pazifik, e so genannts „ghobnigs Atoll“ und erreicht e Höchi vo bis zu 77 Meter über em Meeresspiegel. D Insle isch vom e Koralleriff umgee und het e Flechi vo 5,4 km² und e Küstelengi vo 8 km.
D Insle isch nit duurhaft bewohnbar, wil s keini natürlige Süesswasserquelle git. Drzue chunnt, ass e Hufe vo de iiheimische Pflanze hochgiftig si und dr Undergrund deilwiis so scharfkantig isch, ass er er d Sohle vo fast Schueh verschniidet. Die einzigi Vegetation bestoht us Baumgruppe, vereinzelte Kakteä und Gras, wo Geisse druf weide. Sit 1999 isch d Insle e Naturschutzgebiet, und es isch sträng verbote, dört an Land z goh.
D Lag vo dr Insle, 160 km südlig vom Militärstützpunkt Guantanamo Bay, isch für d USA strategisch intressant.
This article uses material from the Wikipedia Alemannisch article Navassa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.