Republika Marshallowych kupow (marshallsce Aolepān Aorōkin M̧ajeļ, jendźelsce Marshall Islands) je njewotwisny oceaniski kupowy stat w zapadnym Ćichim oceanje, kotryž wobjimuje do Mikronezije słušacu skupinu kupow ze samsnym mjenom.
Stolica kraja je Majuro z 28.000 wobydlerjemi.
hesło Jepilpilin ke ejukaan | |
zakładne daty: | |
swójske mjeno | Aolepān Aorōkin M̧ajeļ Republic of the Marshall Islands |
stolica | Majuro |
přestrjeń | 181,42 km² |
wobydlerstwo | 72.191 (2015) |
hustosć | 397,9 wob./km² |
forma knježerstwa | prezidialna republika |
hłowa stata a šef knježerstwa | prezidentka Hilda Heine (wot 2024) |
měna | US-dollar |
hamtska rěč | marshallšćina, jendźelšćina |
hymna | Forever Marshall Islands |
časowe pasmo | UTC+12 |
njewotwisnosć | 21. oktobra 1986 wot Zjednoćenych statow |
Top Level Domain | .mh |
telefon | +692 |
awtowa značka | MH |
Połoženje Marshallowych kupow na zemi | |
Marshallowe kupy wobsteja z dweju nimale paralelneju rjećazow kupow, Ratakoweho rjećaza („kupy schadźenja słónca“) ze 14 atolemi a dwěmaj kupomaj na wuchodźe a Ralikoweho rjećaza („kupy chowanja słónca“) z 15 atolemi a třomi kupami na zapadźe. K rjećazomaj słušeja cyłkownje něhdźe 1225 wjetšich a mjeńšich kupow, rozměstnjene na mórskej přestrjeni wot 2 milionow km², při čimž wučinja přestrjeń kupow jenož 181 km². Najwyši dypk na kupach leži jenož dwaj metraj nad hładźinu morja.
Klima je włóžna a horca z dešćowym časom mjez meju a nowembrom.
Wot 1906 do 1914 běchu kupy z koloniju Němskeje, potom stejachu hač do lěta 1944 pod japanskim zarjadnistwom. Po dobywanju kupow přez US-ameriske wójsko słušachu hač do lěta 1979 jako wotwisny teritorij do Zjednoćenych statow. Američenjo wužiwachu někotre atole za testowanje atomowych bombow. W lěće 1986 docpěchu Marshallowe kupy njewotwisnosć.
This article uses material from the Wikipedia Hornjoserbsce article Marshallowe kupy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.