Watermeisie
Die Watermeisie (tradisioneel en in sekere streke ook genoem die Watermeid) is 'n mitologiese figuur wat leef in die mondelinge kulturele tradisie van sekere inheemse volke van Suider-Afrika.
Sy leef in donker en diep rotspoele en is in sekere verhale verantwoordelik vir reën, vloede en droogtes. Hierdie watergees lok verbygangers na die water, gryp hulle en verdrink die slagoffers. Gewoonlik word van haar gepraat in 'n gedempte toon uit vrees dat sy haar sal vererg en ook die spreker sal gryp.
Stories van sulke bonatuurlike wesens in die folklore boesem gewoonlik vrees in. Die verhale is deur ouers aan hul kinders oorvertel om die kinders teen die gevare van die rotspoele te waarsku.
In rotstekeninge van die San kom wesens voor met 'n ronde kop, arms en 'n stert soos 'n vis.
Bibliografie
- Coetzee, Abel: Die Afrikaanse volkskultuur. Inleiding tot die studie van die Volkskunde. Kaapstad: Balkema, 1960
Verwysings
This article uses material from the Wikipedia Afrikaans article Watermeisie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.