Vanessa Redgrave
Vanessa Redgrave, CBE (gebore op 30 Januarie 1937) is ’n Britse aktrise van die verhoog, rolprente en televisie, asook ’n politieke aktivis.
Sy is in 2003 in die Amerikaanse teater-eresaal opgeneem en het in 2010 ’n Bafta-fellow geword.
| Vanessa Redgrave | |
_cropped.jpg) | |
Redgrave in 2011 by die Berlynse Rolprentfees. | |
| Geboorte | 30 Januarie 1937 |
|---|---|
| Aktiewe jare | 1958-tans |
| Toekennings | Orde van die Britse Ryk |
Loopbaan
Redgrave het in 1961 bekend geword in die rol van Rosalind in As You Like It vir die Royal Shakespeare Company. Sy het sedertdien in meer as 35 West End- en Broadway-produksies opgetree; in 1984 het sy die Olivier-prys vir The Aspern Papers gewen en in 2003 die Tony vir Long Day's Journey into Night. Sy het ook Tony-benoemings gekry vir die toneelstukke The Year of Magical Thinking en Driving Miss Daisy.
Sy het verder in meer as 80 rolprente verskyn en is ses keer vir ’n Oscar benoem; sy het gewen vir die titelrol in Julia (1977). Haar ander benoemings was vir Morgan: A Suitable Case for Treatment (1966), Isadora (1968), Mary, Queen of Scots (1971), The Bostonians (1984) en Howards End (1992).
Van haar ander bekende rolle was in A Man for All Seasons (1966), Blowup (1966), Camelot (1967), The Devils (1971), Murder on the Orient Express (1974), Prick Up Your Ears (1987), Mission: Impossible (1996), Atonement (2007), Coriolanus (2011) en The Butler (2013). Sy is deur Arthur Miller en Tennessee Williams "die grootste lewende aktrise van ons tyd" genoem. Sy het talle pryse gewen: ’n Oscar, Emmy, Tony, Bafta, Olivier-prys, prys vir beste aktrise op die Cannes-rolprentfees, Golden Globe en Screen Actors Guild Award.
Sy is lid van die Redgrave-gesin van akteurs; sy is die dogter van sir Michael Redgrave en lady Redgrave (die aktrise Rachel Kempson), die suster van Lynn Redgrave en Corin Redgrave, die ma van Joely Richardson en Natasha Richardson, die tante van Jemma Redgrave en die skoonma van Liam Neeson.
Verwysings
Eksterne skakels
- Vanessa Redgrave in die Internet-rolprentdatabasis
- Vanessa Redgrave in die TCM-rolprentdatabasis
- "Vanessa Redgrave: Actress and Campaigner"
- "She's Got Issues" – The Observer, 19 Maart 2006
- Wiki Afrikaans
Wiki Commons het meer media in die kategorie Vanessa Redgrave. 
Hierdie artikel is vertaal uit die Engelse Wiki
This article uses material from the Wikipedia Afrikaans article Vanessa Redgrave, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.