Tacoma Narrowsbrugramp
Die Tacoma Narrowsbrugramp het plaasgevind op 7 November 1940 toe die hangbrug se dek ineengestort het tydens 'n storm.
Die brug het Seattle en Tacoma verbind oor 'n nou seestraat in die deelstaat Washington. Die brug het bestaan uit twee maste weerskante van die seestraat waaraan groot kabels geheg is waarvan die dek hang. Vier maande nadat die brug geopen is, was daar 'n yslike storm met winde wat tot 60 km/h bereik het. Die brug het begin ossilleer; dit het op en af gewip deur nege golwe te vorm wat ongeveer een meter hoog was. Die brug kon nie die aanslag weerstaan nie en het ineengestort. Mense op die brug is net betyds na veiligheid geneem, die enigste ongeval was 'n hond.
'n Ondersoek het aan die lig gebring dat die kante van die brug nie genoeg wind deurgelaat het nie en die kleiner kabels wat die dek dra en aan die hoofkabels gekoppel was, nie sterk genoeg was nie.
Bron
- Quest, Academy of Science of South Africa, 2014, Vol 10, Number 3 ISSN 1729-830X
Eksterne skakels
- Wiki Afrikaans
Wiki Commons het meer media in die kategorie Tacoma Narrowsbrugramp.
122°32′59″W / 47.26639°N 122.54972°W
This article uses material from the Wikipedia Afrikaans article Tacoma Narrowsbrugramp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.