Rain Man

Dit vertel die verhaal van die kwasterige, selfsugtige konkelaar Charlie Babbitt (Tom Cruise), wat uitvind sy vervreemde pa het gesterf en feitlik sy hele fortuin van talle miljoene dollars aan sy ander seun, Raymond (Dustin Hoffman), bemaak. Dié is 'n outistiese savant, van wie se bestaan Charlie onbewus was. Charlie kry net sy pa se geliefde veteraanmotor en roosbome. Valeria Golino speel ook in die prent as Charlie se meisie, Susanna.

Dustin Hoffman (links) en Tom Cruise op die 61ste Oscar-toekenningsaand in 1989.

Morrow het die karakter Raymond geskep nadat hy Kim Peek, 'n werklike savant, ontmoet het; die karakter is geskoei op beide Peek en Bill Sackter, 'n goeie vriend van Morrow wat die onderwerp was van die 1981-rolprent Bill, wat ook deur Morrow geskryf is.

Rain Man se première was op die 39ste Berlynse Internasionale Rolprentfees, waar dit die Goue Beer, die hoogste prys, gewen het. Dit is in 1988 in Amerika in rolprentteaters uitgereik deur MGM/UA Communications Co. en was hoogs suksesvol. Levinson se regie is geprys, asook die toneelspel (veral van Hoffman en Cruise), die musiek, Morrow se draaiboek, die kinematografie en die prent se uitbeelding van outisme. Dit het $25 miljoen gekos en het $354,8 miljoen - $412,8 miljoen ingeoes; dit was die prent wat die beste gedoen het in 1988 en het agt benoemings gekry op die 61ste Oscar-toekenningsaand, waarvan dit vier gewen het: vir beste rolprent, beste regisseur, beste akteur (Hoffman) en beste oorspronklike draaiboek.

In 2022 was Rain Man die eerste en enigste rolprent wat in een jaar die Berlynse Internasionale Rolprentfees se hoogste prys en die Oscar vir beste rolprent gewen het. Dit was ook die laaste MGM-prent wat vir beste rolprent benoem is tot Licorice Pizza in 2021, 33 jaar later.

• Rain Man op IMDb
• Rain Man by AllMovie
• Rain Man by Box Office Mojo
• Rain Man by Metacritic