Prins Franz Wilhelm van Pruise (Franz Wilhelm Victor Christoph Stephan Prins van Pruise; gebore 3 September 1943) is ’n Duitse sakeman en lid van die Huis van Hohenzollern, die voormalige keisershuis van Duitsland en koningshuis van Pruise.
Van 1976 tot 1986 was hy bekend as groothertog Michail Pawlowitsj van Rusland. As ’n agterkleinseun van Wilhelm II van Duitsland is hy ook ’n agter-agter-agterkleinkind van koningin Victoria en ’n verlangse neef van Charles, Prins van Wallis.
Prins Franz Wilhelm van Pruise | |
---|---|
Groothertog Michail Pawlowitsj (1976-1985) | |
Huis | Hohenzollern |
Vader | Prins Karl Franz van Pruise |
Moeder | Prinses Henriette van Schönaich-Carolath |
Gebore | 3 September 1943 Grünberg, Silesië, Duitsland (nou Pole) |
Eggenote | Groothertogin Maria Wladimirowna van Rusland (22 September 1976 - 19 Junie 1985) Nadia Nour (2019 - tans) |
Kinders | Groothertog Georgi Michailowitsj |
Prins Franz Wilhelm is op 4 September 1976 op ’n burgerlike seremonie en op 22 September 1976 op ’n godsdiensseremonie getroud met sy verlangse niggie, groothertogin Maria Wladimirowna van Rusland (’n agter-agter-kleindogter van koningin Victoria). Hy het hom voor sy huwelik tot die Russies-Ortodokse geloof bekeer en is ’n groothertog van Rusland met die naam Michail Pawlowitsj gemaak deur sy skoonpa, groothertog Wladimir Kirillowitsj van Rusland. Prins Franz Wilhelm en groothertogin Maria het een seun (groothertog Georgi) gehad voordat hulle in 1985 geskei is. Hy het daarna sy ou titel teruggeneem. Hy is in 2019 met Nadia Nour getroud.
This article uses material from the Wikipedia Afrikaans article Prins Franz Wilhelm van Pruise, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.