Silesië: Streek in Oos-Middel-Europa
Silesië (Schläsing in Silesiese Duits, Schlesien in Duits, Slezsko in Tsjeggies en Śląsk in Pools, byvoeglike naamwoord Silesies) is 'n streek in Oos-Middel-Europa aan weerskante van die rivier die Oder in die suidweste van Pole en die noorde van Tsjeggië.
Dit is hoofsaaklik 'n nywerheidstreek met steenkoolmyne en metaalnywerhede.
Die Pruisiese provinsie Silesië, wat later in die provinsies Bo- en Neder-Silesië verdeel is, het met die stigting van die Duitse Ryk in 1871 die mees suidoostelike landsdeel van Duitsland geword. Die grootste deel van Silesië het in 1945 volgens die besluite van die Konferensie van Potsdam onder voorlopige Poolse administrasie gekom, maar is in administratiewe opsig de facto by Pole ingelyf. In 1992 het hierdie inlywing ook 'n volkeregtelike basis gekry. Die voormalige Silesië strek tans hoofsaaklik oor die Poolse woiwodskappe Silesië, Neder-Silesië en Opole. Klein gedeeltes van Silesië maak deel uit van die woiwodskappe Lebus, Groot-Pole en Klein-Pole, Duitsland en Tsjeggië.
Die Duitse Demokratiese Republiek het die huidige Poolse oosgrens reeds in 1950 met die Ooreenkoms van Görlitz erken, die Bondsrepubliek Duitsland indirek met die Warskouse Verdrag van 1972 en finaal met die Pools-Duitse Grensooreenkoms van 1990.
Sien ook
Bronne
- Crystal, David (ed.); The Cambridge Encyclopedia; Cambridge University Press; Cambridge; 1994.
This article uses material from the Wikipedia Afrikaans article Silesië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.