Polinesiese Rot
Die Polinesiese rot, Pasifiese rot of klein rot (Rattus exulans), wat die Maori's as kiore ken, is die algemeenste rot in die wêreld naas die bruin- en swartrot.
Die rot het in Suidoos-Asië ontstaan en nes sy verwante wydversprei geraak. Dit het na feitlik die hele Polinesië versprei, insluitende Nieu-Seeland, Paaseiland en Hawaii. Nes ander rotte is dit hoogs aanpasbaar en kom dit voor in van graslande tot woude. Dit word nou met die mens verbind, wat maklike toegang tot kos verleen. Die rot het in die meeste gebiede waar dit voorkom tot 'n groot plaag ontwikkel.
| Polinesiese rot | |
|---|---|
.jpg) | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Rodentia |
| Familie: | Muridae |
| Genus: | Rattus |
| Spesie: | R. exulans |
| Binomiale naam | |
| Rattus exulans (Peale, 1848) | |
 | |
| Verspreidings-kaart | |
Beskrywing
Die Polinesiese rot lyk nes ander rotte, soos die bruin- en swartrot. Dit het groot, ronde ore, 'n gepunte snoet, swart/bruin hare met 'n ligter pens en relatief klein pote. Dit het 'n lang, maer lyf en kan tot 15 cm lank word van die snoet tot die punt van die stert. Dit is dus effens kleiner as ander rotte wat met die mens verbind word. Op kleiner eilande is dit geneig om nog kleiner te wees: sowat 11 cm lank.
Die Polinesiese rot word gewoonlik gekenmerk deur 'n donker bokant van die agterpoot naby die enkel; die res van die poot is lig.
Verwysings
Ander bron
- "ISSG entry: Rattus exulans". Besoek op 5 Desember 2006.
Skakels
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Polinesiese rot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.