Die vierde periode van die periodieke tabel begin met element nommer 19, die alkalimetaal kalium en eindig met nommer 36, die edelgas kripton.
In die eerste twee elemente, kalium en kalsium word die 4s-orbitaal opgevul. Dit is die eerste periode wat meer as agt elemente tel omdat vanaf die derde element skandium die 3d-orbitale opgevul word. Dié reeks van tien elemente staan bekend as die oorgangsmetale omdat die karakter van die d-elektrone wat opgevul word stadig oorgaan van valenselektrone na kernelektrone wat min by die vorming van chemiese verbindings betrokke is. Ná sink tree hulle net as kernelektrone op en word die 4p-orbitale opgevul.
Hierdie periode bevat veral elemente wat taamlik volop is en 'n belangrike rol in die chemie, die industrie en ook die biologie speel. Skandium is dalk 'n uitsondering. Hierdie element is skaars. Maar metale soos kalium, kalsium, chroom, yster, nikkel, koper en sink is huishoudelike terme.
This article uses material from the Wikipedia Afrikaans article Periode 4 element, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.