Die oranje stekel-eenhoringvis (Naso elegans) is 'n vis wat wydverspreid voorkom in die Indiese Oseaan, die Rooisee, Oman en aan die ooskus van Afrika suidwaarts tot by die suide van KwaZulu-Natal.
Die vis is ook al opgemerk by die Aliwal-bank. In Engels staan die vis bekend as die Orange-spine unicorn.
Oranje stekel-eenhoringvis | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Suborde: | Acanthuroidei |
Familie: | |
Subfamilie: | |
Genus: | |
Spesie: | N. elegans |
Binomiale naam | |
Naso elegans (Rüppell, 1829) |
Die vis word tot 45 cm lank. Anders as die meeste eenhoringvisse het dit geen horing of knop op die voorkop nie. 'n Kenmerk van die vis is die kop se hoekige voorkoms. Die vis se lyf is donkerbruin met swart en oranje merke op die gesig, amper soos grimering. Die dorsale vin is geel met 'n blou rant en daar is twee, prominente helder oranjegeel kielplate op die stertvin se basis. Die mannetjies ontwikkel lang filamente op die stertvin.
Hulle leef in aflandige koraal- en soms rotsriwwe in water wat 1 tot 70 m diep is. Hulle skuil in die rommel, koraal en rotsareas. Die vis is gewoonlik enkellopend maar kan ook in klein groepe saamwoon. Hulle vreet hoofsaaklik alge.
This article uses material from the Wikipedia Afrikaans article Oranje stekel-eenhoringvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.