James Bond: Fiktiewe spioen in die romans van die Britse skrywer Ian Fleming

	James Bond
	Hoagy Carmichael – soos Ian Fleming sy James Bond gesien het.
Skepping
Eerste verskyning	Casino Royale (1953)
Geskep deur	Ian Fleming
Uitgebeeld deur	Sean Connery (1962–1967; 1971; 1983); George Lazenby (1969); Roger Moore (1973–1985); Timothy Dalton (1987–1989); Pierce Brosnan (1995–2002); Daniel Craig (2006–hede)
Inligting
Byname	007
Spesie	Mens
Geslag	Manlik
Beroep	Spioen
Getroud met	Tracy Bond-Vincenzo
Kinders	James Suzuki
Ander familie	Andrew Bond (vader); Monique Delacroix Bond (moeder); Charmian Bond (tannie); Max Bond (oom); 1
Nasionaliteit	Verenigde Koninkryk

James Bond is ’n onverskrokke, aantreklike geheime agent vir die Britse regering, met die kodenaam "007". Talle van die Bond-verhale is tot trefferflieks verwerk. Hierdie rolprente wemel van opwindende tonele vol gevaar, mooi vroue en spesiale geheime toerusting om mense aan te val, boodskappe te stuur, ens. Hierdie stories is ook vir TV, radio, strokiesprente en video-speletjies aangepas.

Fleming het die Bond-karakter in twaalf romans en twee verhaalbundels gebruik. Die eerste hiervan heet Casino Royale. Ná Fleming se dood in 1964 het verskeie ander skrywers Bond-boeke gelewer, onder andere Kingsley Amis, Christopher Wood, John Gardner, Raymond Benson, Sebastian Faulks, Jeffery Deaver en Anthony Horowitz.

Die karakter

Fleming se James Bond is 'n spioen met 'n license to kill (mandaat om te dood). Hy werk vir MI6 en rapporteer aan M, die hoof van die agentskap. Moneypenny is M se sekretaresse. Bond is 'n ware heer. As hy hom aan iemand voorstel, sê hy gewoonlik: "The name's Bond, James Bond". Ongeag die dringendheid van die situasie benut hy elke geleentheid om tyd saam met 'n mooi meisie te spandeer.

'n Belangrike element in die meeste Bond-films is die karre, wapens en "gadgets" wat Bond van Q (die kwartiermeester) kry. Die bekendste Bond-motor is die silwergrys Aston Martin DB5, wat sy debuut in Goldfinger gemaak het.

Akteurs

Die akteurs wat die rol van Bond vertolk het:

Sean Connery (1962–1967; 1971; 1983)
George Lazenby (1969)
Roger Moore (1973–1985)
Timothy Dalton (1987–1989)
Pierce Brosnan (1995–2002)
Daniel Craig (2006–nou)

Flieks

Die Bond-flieks is:

No.	Naam	Jaar	Akteur
1	Dr. No	1962	Sean Connery
2	From Russia with Love	1963	Sean Connery
3	Goldfinger	1964	Sean Connery
4	Thunderball	1965	Sean Connery
5	You Only Live Twice	1967	Sean Connery
6	On Her Majesty's Secret Service	1969	George Lazenby
7	Diamonds are Forever	1971	Sean Connery
8	Live and Let Die	1973	Roger Moore
9	The Man with the Golden Gun	1974	Roger Moore
10	The Spy Who Loved Me	1977	Roger Moore
11	Moonraker	1979	Roger Moore
12	For Your Eyes Only	1981	Roger Moore
13	Never Say Never Again	1983	Roger Moore
14	Octopussy	1983	Roger Moore
15	A View to a Kill	1985	Roger Moore
16	The Living Daylights	1987	Timothy Dalton
17	Licence to Kill	1989	Timothy Dalton
18	GoldenEye	1995	Pierce Brosnan
19	Tomorrow Never Dies	1997	Pierce Brosnan
20	The World is Not Enough	1999	Pierce Brosnan
21	Die Another Day	2002	Pierce Brosnan
22	Casino Royale	2006	Daniel Craig
23	Quantum of Solace	2006	Daniel Craig
24	Skyfall	2012	Daniel Craig
25	Spectre	2015	Daniel Craig
26	No Time to Die	2020	Daniel Craig

Verwysings

Eksterne skakels

Amptelike webtuiste
Wiki Afrikaans Wiki Commons het meer media in die kategorie James Bond.

This article uses material from the Wikipedia Afrikaans article James Bond, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.