Hierdie naam is volgens die Oos-Slawiese gebruik; die patroniem is Aleksandrowitsj en die van is Romanof.
Wladimir Aleksandrowitsj | |
---|---|
Groothertog | |
Huis | Romanof |
Vader | Aleksander II van Rusland |
Moeder | Prinses Marie van Hesse-Darmstadt |
Gebore | 22 April [O.S. 10 April] 1847, Sint Petersburg, Russiese Ryk |
Oorlede | 17 Februarie [O.S. 4 Februarie] 1909, Sint Petersburg |
Eggenote | Hertogin Marie van Mecklenburg-Schwerin |
Kinders | Aleksander Kirill Boris Andrei Jelena |
Groothertog Wladimir Aleksandrowitsj (Russies: Влади́мир Александрович; 22 April [O.S. 10 April] 1847 – 17 Februarie [O.S. 4 Februarie] 1909) was ’n seun van keiser Aleksander II van Rusland, ’n broer van Aleksander III en ’n senior groothertog van die Huis van Romanof tydens die bewind van sy broerskind, Nikolaas II.
Wladimir het ’n militêre loopbaan gevolg en het belangrike militêre poste beklee tydens die bewind van die laaste drie Russiese keisers. Hy het kuns- en intellektuele belange nagejaag en was voorsitter van Akademie van Beeldende Kunste. Hy was ook beskermheer van verskeie kunstenaars en ’n borg van ballet.
Tydens die bewind van sy pa, Aleksander II, is hy ’n adjudantgeneraal gemaak, asook ’n senator in 1868 en ’n lid van die Staatsraad in 1872. Onder sy broer Aleksander III het hy lid geword van die Ministersraad, bevelvoerder van die Keiserlike Wagkorps en militêre goewerneur van Sint Petersburg. Met Swart Sondag in 1905 tydens die bewind van sy broerskind Nikolaas II, het sy reputasie ’n knou gekry omdat hy militêre goewerneur was. In sy laaste jare het die kloof tussen sy familie en dié van Nikolaas II groter geword. Hy is in 1909 ná ’n beroerte dood.
Wladimir Aleksandrowitsj se agterkleindogter, groothertogin Maria Wladimirowna, is een van die huidige aanspraakmakers op die troon van Rusland.
This article uses material from the Wikipedia Afrikaans article Groothertog Wladimir Aleksandrowitsj van Rusland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.