Golf Van Lion
Die Golf van Lion (Frans: golfe du Lion, Spaans: golfo de León, Italiaans: Golfo del Leone, Oksitaans: golf del/dau Leon, Katalaans: golf del Lleó, Middeleeuse Latyns: sinus Leonis, mare Leonis, Klassiese Latyns: sinus Gallicus) is 'n baai langs die Mediterreense kuslyn van Suid-Frankryk.
| Golf van Lion | |
|---|---|
 Nasa-Satellietbeeld van die Golf van Lion | |
 Kaart van die Golf van Lion | |
| Koördinate: | 42°59′47″N 4°0′1″O / 42.99639°N 4.00028°O 4°0′1″O / 42.99639°N 4.00028°O |
| Ligging: | Frankryk, Spanje |
| Soort: | Golf van die Middellandse See |
| Maksimum diepte: | 90 m |
| Invloei: | Rhône, Tech, Têt, Aude, Orb, Hérault en Vidourle |
| Nedersettings: | Marseille, Toulon |
Die golf strek oor die kuslyne van die geweste Languedoc-Roussillon en Provence, van die Frans-Spaanse grensgebied in Katalonië in die weste tot by die hawestad Toulon in die ooste. 'n Groot deel van die kusgebiede word deur strandmere en soutvleie oorheers. Naas die Rhône mond ook 'n aantal kleiner riviere soos die Tech, Têt, Aude, Orb, Hérault en Vidourle in die Golf van Lion uit.
Die gebied van die golf staan bekend vir sy koue Mistralwind.
Die kontinentale plaat van Europa word hier as 'n uitgestrekte kusvlakte sigbaar, wat hier digby die kuslyn met 'n skerp afwaartse helling teen die vlaktes van die Mediterreense bekken begin daal.
Ekonomie
Marseille en Toulon is die belangrikste hawens langs die Golf van Lion. Die visvangs langs die kus steun veral op die stokvis (Merluccius merluccius), tog het die visbronne intussen uitgeput geraak.
Eksterne skakels
- Wiki Afrikaans
Wiki Commons het meer media in die kategorie Golf van Lion. - (fr) Die topografie van die Golf van Lion Geargiveer 23 Januarie 2005 op Wayback Machine
This article uses material from the Wikipedia Afrikaans article Golf van Lion, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.