Gevlekte Baber
Die Gevlekte baber (Clarias stappersii) - In die Caprivi bekend as die Witsy baber – is 'n varswater vis wat voorkom in die Kunenerivier, Okavangorivier, die boonste gedeelte van die Zambezirivier en Kafuerivier.
In Engels staan die vis bekend as die Blotched catfish.
| Gevlekte baber | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | (Bonaparte, 1846) |
| Genus: | (Scopoli, 1777) |
| Spesie: | C. stappersii |
| Binomiale naam | |
| Clarias stappersii | |
Voorkoms
Die vis se kop is groot en plat met vier paar baarde. Twee smal tandplate met skerp tande is in die bokaak aanwesig, die agterste langer as die voorste, die vorm is dieselfde.
Die rugvin is lank en hoog, ongeveer die helfte van die vis lengte en hou net voor die stertvin op. Daar is geen vetvin nie. Die stertvin is goed ontwikkel en rond. Die anale vin is lank en hou net voor die stertvin op. die buikvin is gepaard en goed ontwikkel. Die borsvin is gepaard en goed ontwikkel. Sy liggaamsvorm (profiel) is lomp met die wydste deel net agter die kiewe. Die skubbe is mikroskopies klein in slym.
Die vis is bedek met baie, donker bruin en swart vlekke, die sylyn is wit en die pens en kop is wit aan die onderkant. Die wit streep (sylyn) loop van bokant sy borsvinne tot by sy stert, vandaar sy Caprivi naam.
Die vis word 410 mm groot.
Habitat
Die vis leef in stadig vloeiende rivier sytakke en vloedvlaktes wat vol plantegroei is.
Hulle vreet ongewerweldes en vis en broei in die somer reën seisoen. Hulle behoort met enige vleisaas, visaas, insekaas of erdwurms gevang te word, mits dit klein genoeg is.
Sien ook
Bronne
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.
Verwysings
Eksterne skakel
This article uses material from the Wikipedia Afrikaans article Gevlekte baber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.