Gebou Central Park

Die gebou se hoogte gemeet vanaf sy basis op St Georges Terrace tot by sy dak is 226 m en tot by die bopunt van sy radiomas is 249 m hoog.

Met voltooiing in 1992 was die gebou die hoogste in Perth, maar die gebou is verbygesteek nadat die 270 m hoë BHP Tower in 2012 voltooi is. Die gebou is tans die sewende hoogste gebou in Australië.

 

Central Park was die vierde en grootste stadium van die argitekte Forbes & Fritzhardinge se plan vir die omliggende kommersiële streek, wat die AMP-gebou, die Commonwealth Bank-gebou en die Wesley Centre ingesluit het. Die ontwerp van die toring is verskeie kere verander om aan te pas by veranderde konsessies wat mettertyd toegestaan is.

Die toring is uiteindelik gebou as 'n saamgestelde staal-en-betonraam met 'n betonkern wat vooraf gespan is en verstewig word met balke aan die bokant van die toring. Toe die gebou voltooi was, was dit een van die hoogste geboue wat hierdie tegniek gebruik het in Australië.

Die gebruik van 'n dienskern struktuur vir die gebou het die aantal interne pilare wat benodig was verminder met slegs twee op die grootste vloere, wat die bruikbare spasie grootliks vermeerder het. Die deursnee van die pilare vir die toring is gemaak van saamgestelde staal en beton en binne 'n permanente vormwerk van Spiroduct buise omhul. Die voorafgegote betonvloere is ondersteun met brandbestande staalbalke en is in plek bedek met 'n deklaag.

• Wiki Afrikaans  Wiki Commons het meer media in die kategorie Central Park (gebou).
• (en) Amptelike webwerf

115°51′20.2″O / 31.953667°S 115.855611°O / -31.953667; 115.855611