Die Glasgow-moltrein is 'n moltreinstelsel in Glasgow, Skotland.
Die moltrein is in 1896 in gebruik geneem en is die derde oudste moltreinstelsel ter wêreld (Londen en Budapest se moltreine is ouer). Dit stelsel bestaan uit 'n ondergrondse dubbelsporige ringlyn van 10,4 kilometer met 15 stasies. Die tonnels het 'n diameter van slegs 3,35 meter. Die moltrein is daarom slegs 2,34 meter breed en 2,69 meter hoog. Die spoorwydte is 1 219 millimeter (4 Engelse voet).
Die lyn is vanaf 1891 deur die privaatmaatskappy Glasgow District Subway Company gebou en is op 14 Desember 1896 geopen. In 1923 word dit deur die munisipale vervoermaatskappy van Glasgow oorgeneem. Die trein is tot in 1935 deur kabels getrek. Daarna is die lyn met 600 volt gelykstroom geëlektrifiseer.
In 1977 word die metrolyn vir drie jaar vir opknappingswerk gesluit. Al die stasies is heeltemal oorgebou. 'n Bogrondse opstelterrein (Broomloan Depot) is by stasie Govan gevoeg. Omdat 'n hyskraan nie meer nodig was om treine op die lyn te sit en af te haal nie, kon die ritfrekwensie sedertdien by die aanvraag aangepas word.
In 1980 word die gemoderniseerde netwerk weer onder die naam Glasgow Underground geopen. In 2003 is die naam weer na Glasgow Subway terug verander.
Op weeksdae en Saterdae vertrek 'n trein elke 4 tot 8 minute. Die diens word van soggens vroeg tot laataand gelewer. Op Sondae is dit beperk tot 'n 8-minutediens tussen 11:00 en 18:00.
Die metrostasies van die Glasgow-moltrein is (vanaf die noordelikste stasie kloksgewys):
This article uses material from the Wikipedia Afrikaans article Glasgow-moltrein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.