Die Blougroen-kuilvissie (Nothobranchius furzeri) is 'n varswater vis wat voorkom in panne in die Gonarezhou Nasionale Park in suid-oos Zimbabwe.
In Engels staan die vis bekend as die Turquoise killifish.
Blougroen-kuilvissie | |
---|---|
Manlike Nothobranchius furzeri | |
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Suborde: | Aplocheiloidei |
Familie: | |
Subfamilie: | Aplocheilinae |
Genus: | |
Spesie: | N. furzeri |
Binomiale naam | |
Nothobranchius furzeri (Jubb, 1971) |
Die vis het 'n stewige lyf met die dorsale vin agter op die lyf, teenoor die anale vin. Beide vinne is omtrent ewe groot. Die stertvin is groot en bolrond. Die kop is groot en bedek met skubbe. Die skubbe is turkoois gekleurd en die rante van die skubbe is rooi. Die dorsale vin en die basis van die stertvin is helder blou met diep rooi kolle of strepe op. Daar is ook konsentriese geel-groen en swart strepe op die stertvin wat uitwaarts straal. Die wyfie is eenvoudig bruin van kleur met die skubbe en wange wat 'n ligte silweragtige of blou skynsel het. Die vis word tot 53 mm lank.
Die vis se habitat is tydelike waterpoele in semi-droë gebiede met skaars, wisselvallige reënneerslae. Blougroen-kuilvissies het aangepas by die gereelde droogtetoestande deur die ontwikkeling van uitdroog-weerstandige eiers. Die eiers bly dormant in die droë modder vir een of selfs meer jare. As gevolg van die kort reënseisoene in hulle natuurlike habitat is die leeftyd van hierdie visse beperk tot 'n paar maande. Hulle leeftyd in gevangenskap is net so kort. Dit maak hulle in die wetenskap 'n goeie model vir verouderingsnavorsing.
This article uses material from the Wikipedia Afrikaans article Blougroen-kuilvissie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.