Audi

Audi behoort aan die Volkswagengroep. Audi-motors word tans in Ingolstadt, Neckarsulm (Duitsland), Győr (Hongarye), Bratislava (Slowakye), São José dos Pinhais (Brasilië), Changchun (Volksrepubliek China) en Brussel (België) vervaardig.

Audi AG
Tipe	Filiaalmaatskappy
Gestig	16 Julie 1909 10 Maart 1969 (nuut)
Hoofkantoor	Ingolstadt,  Duitsland
Sleutelpersone	Rupert Stadler
Gebied bedien	Wêreldwyd
Industrie	Motorvervaardiger
Produkte	Motorvoertuie
Inkomste	€482,77 miljard (2012)
Werknemers	63 839 (31 Desember 2011)
Moedermaatskappy	Volkswagengroep
Slagspreuk	Vorsprung durch Technik
Webwerf	audi.de

Die handelsmerk het sy oorsprong in die motoronderneming Horch Automobielwerke, wat in 1899 gestig is. Hierdie onderneming is gestig deur die vorige Benzwerknemer, August Horch saam met drie vennote. Na elf jaar het hierdie samewerking tot 'n einde gekom. Horch wou bekendheid verwerf vir sy handelsmerk deur met die naam aan motorsport deel te neem. Sy vennote was dit nie eens nie, want dit sou te duur wees. Hulle het hom in 1909 afgedank. August Horch wou toe 'n nuwe motorfabriek begin met 'n belegging van 'n welgestelde vriend, maar kon nie meer sy eie naam daarvoor gebruik nie. Vorige vennote het die Horchnaam intussen as 'n handelsmerk geregistreer. Die tienjarige seun van hierdie welgestelde vriend het die gesprek tussen sy pa en August Horch gehoor en gesê: 'Horch is in Latyn Audi, waarom noem julle die nuwe fabriek nie Audi nie? ” En so is die handelsnaam Audi gebore.

In die dertigerjare het Audi, DKW, Horch en Wanderer saamgesmelt tot een beheermaatskappy: Auto Union. Die handelsmerke bly naas mekaar bestaan. Die bekende logo met die verweefde vier ringe, geïnspireer deur die Olimpiese Spele wat in 1936 na Duitsland sou kom, simboliseer die samewerking van hierdie vier handelsmerke waaruit die huidige Audi gebore is.

Tydens die Tweede Wêreldoorlog het Auto Union gepantserde voertuie en ander militêre voertuie vervaardig eerder as motors. Na die oorlog hervat burgerlike produksie en die fabriek kom in die hande van Mercedes Benz.

Audi se Duitse leuse is Vorsprung durch Technik – dit word normaalweg nie vertaal nie. Dit beteken "Voorsprong deur tegnologie". Audi het die embleem van vier ringe oorgeneem van sy voorganger, Auto Union, destyds 'n konglomeraat van Audi, DKW, Horch en Wanderer.

Produksievoertuie

• Audi A1
• Audi A2
• Audi A3
• Audi S3
• Audi A4
• Audi S4
• Audi RS4
• Audi A5
• Audi R8
• Audi A6
• Audi S6
• Audi RS6
• Audi Q3
• Audi Q5
• Audi Q7
• Audi A8
• Audi S8
• Audi TT

Historiese modelle

• Audi 50
• Audi 80/90/4000
• Audi 100/200/5000
• Audi Quattro
• Audi V8
• Audi UrS4/S6

Konsepvoertuie

• Audi RSQ ontwerp vir die film (2004) I, Robot.
• Audi Allroad quattro Concept
• Audi Shooting Brake
• Audi Avus quattro
• Audi Quattro Spyder
• Audi Avantissimo
• Audi Pikes Peak quattro
• Audi Nuvolari quattro
• Audi Le Mans quattro
• Audi Roadjet

• (de) Amptelike webwerf
• (de) Automobile Audi Club