Audi is in Dútsk automerk dat yn 1899 oprjochte waard ûnder de namme Horch troch de eks-Benz-wurknimmer August Horch en in stikmannich fan dy syn maten.
Nei tsien jier wie de gearwurking dien, en August Horch moast sûnder de merknamme Horch fierder. Horch is Dútsk foar "harkje" of "lústerje", en Audi is dêr de Latynske oersetting fan.
Audi is fêstige yn Ingolstadt, yn 'e dielsteat Beieren. Diesel makke in trochslach by Audi mei de oerbekende pompferstowertechnyk "TDI". Dêrnjonken kaam Audi yn de jierren '90 mei saken as in aluminiumkarrossery en massaprodusearre auto's.
Yn 1965 waard Audi oernommen troch Folkwein, en sûnt 1975 makket it diel út fan 'e holding Volkswagen AG. Dat is in ynternasjonaal automobylconcern dêr't behalven Folkswein en Audi ek it Dútske Porsche, it Tsjechyske Škoda, it Ingelske Bentley, it Spaanske Seat en de Italjaanske merken Lamborghini, Bugatti en Ducati ûnder falle.
Audi docht mei oan de LeMans 24 oeren race en de DTM.
This article uses material from the Wikipedia Frysk article Audi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.