3 Juno: Asteroïde
Juno (kleinplaneetnaam: 3 Juno) is ’n asteroïde in die asteroïdegordel.
Dit is die derde asteroïde wat ontdek is, in 1804 deur die Duitse sterrekunde Karl Harding; die eerste twee is 1 Ceres en 2 Pallas. Juno is die 11de grootste asteroïde en een van die grootste twee klipagtige (S-tipe) asteroïdes; die ander een is 15 Eunomia.
 Juno se wentelbaan is taamlik ellipties met ’n klein inklinasie. | |
| Wentelbaaneienskappe | |
|---|---|
| Epog 9 Desember 2014 | |
| Afelium | 3,35293 AE |
| Perihelium | 1,98847 AE |
| Halwe lengteas | 2,67070 AE |
| Wentelperiode | 4,36463 jaar |
| Gem. omwentelingspoed | 17,93 km/s |
| Gem. anomalie | 33,077 ° |
| Baanhelling | 12,9817° |
| Lengteligging van stygende nodus | 169,8712° |
| Periheliumhoek | 248,4100° |
Fisiese eienskappe | |
| Afmetings | 320 × 267 × 200 ± 6 km |
| Gem. radius | 135,7 ± 11 |
| Oppervlakte | 216 000 km2 |
| Volume | 8 950 000 km3 |
| Massa | 2,67 ×1019 kg |
| Gem. digtheid | 3,20±0,56 g/cm3 |
| Oppervlak- aantrekkingskrag | 0,12 m/s2 |
| Ontsnapping- snelheid | 0,18 km/s |
| Rotasieperiode | 7,21 uur (0,3004 dae) |
| Rotasiespoed by ewenaar | 31,75 m/s |
| Temperatuur | ~163 K maks.: 301 K |
| Spektraaltipe: | S |
| Skynmagnitude | 7,4 tot 11,55 |
| Absolute magnitude | 5.33 |
| Hoekgrootte | 0,30" tot 0,07" |
.svg){kind=small}
Volgens raming maak Juno se massa 1% van die totale massa van die asteroïdegordel uit. Desondanks is sy massa net 3% van dié van Ceres.
Vir ’n S-tipe asteroïde is Juno ongewoon weerkaatsend, wat ’n aanduiding van sy oppervlakeienskappe kan wees. Hierdie hoë albedo verduidelik sy relatief hoë skynbare magnitude vir so ’n klein voorwerp wat nie in die binnerand van die gordel voorkom nie. Juno se magnitude kan tot +7,5 wees met ’n gunstige opposisie, wat helderder is as Neptunus of Titaan. Dit is ook die rede hoekom dit ontdek is voor groter asteroïdes soos Hygiea, Europa, Davida en Interamnia. Met die meeste opposisies bereik dit egter net ’n magnitude van +8,7 – dus net-net sigbaar deur ’n verkyker.
Juno is, nes Ceres, Pallas en Vesta, aanvanklik as ’n planeet beskou. In 1811 het Johann Schröter geraam hy het ’n deursnee van tot 2 290 km. Al vier is herklassifiseer as asteroïdes nadat al hoe meer asteroïdes ontdek is. Juno se klein grootte en onreëlmatige vorm sluit hom uit van ’n klassifikasie as dwergplaneet.
Verwysings
Eksterne skakels
- Wiki Afrikaans
Wiki Commons het meer media in die kategorie 3 Juno. 
Hierdie artikel is vertaal uit die Engelse Wiki
This article uses material from the Wikipedia Afrikaans article 3 Juno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.