基輔

基輔係東歐其中最古老嘅城市，由5世紀開始已經成為咗商業中心。因為基輔係喺北歐同君士坦丁堡嘅通道之間，所以對當地嘅貿易非常重要。喺9世紀，維京人統治咗基輔，成立咗基輔羅斯，第一個斯拉夫人嘅帝國。到13世紀，基輔喺蒙古帝國入侵期間完全夷為平地，所以冇咗佢原本有嘅優勢。喺之後嘅時間，基輔分別俾立陶宛大公國同埋俄羅斯帝國管治，喺期間再一次成為咗重要嘅工商業中心。

到工業革命期間，基輔變咗更加繁榮，成為咗俄國嘅重要工業地。到1918年，經過俄國嘅二月革命同十月革命之後，烏克蘭人民共和國宣佈獨立，基輔跟住做咗呢個國家嘅首都。到布爾什維克喺1921年贏咗俄國內戰之後，基輔入咗做蘇聯嘅烏克蘭加盟國。

喺二次大戰期間，個城市再一次變咗做爛地。不過基輔喺戰後好快由起返，係蘇聯當時嘅第三大城，只係排喺莫斯科同聖彼得堡後面。

喺1991年蘇聯解體之後，烏克蘭正式成為獨立國家，基輔繼續做佢嘅首都。因為好多原本住喺其他地方嘅烏克蘭人都移民去基輔，所以人口曾經升過唔少。自從獨立以嚟，烏克蘭一直都擁護西方國家嘅市場經濟同議會共和制，所以令基輔更加富貴。隨住工廠搬去其他地方，雖然基輔嘅工業一直都跌，但係個城市又發展咗金融，帶嚟咗唔少新嘅投資。

基輔作為國家嘅首都，係屬於特別城，喺行政上等同一個省。烏克蘭全國只係得兩個特別城，而另外嗰個就係塞凡堡。喺基輔嘅省長係由總統委任，而市長就係民選嘅職位。

取態

因為基輔喺烏克蘭嘅位置非常嘅重要，加上係國家其中互聯網嘅網絡最完整嘅地方，所以基輔係全國最親西方嘅地方，一般喺政治上都支持同歐盟扯上密切嘅關係。根據一份喺2014年做嘅調查，當問到“烏克蘭應唔應該同俄羅斯合并成為一個國家？”嘅時候，基輔市民嘅支持率只係5.3%，相對於全國嘅12.5%。

政區

 

因為基輔個城市都好大，所以每一個區都有自己嘅民選議會嚟管理地區性嘅議題。

基輔最早嘅政區係由1810年開始，當時個城市分咗做4區。到1833年，尼古拉一世下令基輔分做6區，後尾再加到10個區。喺1917年，布爾什維克曾經將個城市分做8個區。

喺蘇聯時期，基輔因為不斷增長，所以區嘅數目越嚟越多，而啲區名一般都係用蘇聯共產黨嘅主要阿頭嚟改名。到2001年，基輔嘅區由14個減到10個，一直都依家。喺2006年，當時嘅基輔市長本來打算將基輔嘅區由10個再減到落7個，但係最終冇落實到。

•  
  總統行政大樓
•  
  烏克蘭内閣
•  
  烏克蘭外交部

氣候

地方運輸

 

 

 

 

 

郊區交通運輸

基輔依家有五條短程火車路線：

• 尼任（東北）
• 赫雷賓卡（東南）
• 米羅尼夫卡（南）
• 法斯蒂夫（西南）
• 科羅斯滕（西）