Kænugarður eða Kyjív (úkraínska: Kyjív eða Київ; rússneska: Kíev eða Киев) er höfuðborg og stærsta borg Úkraínu og jafnframt höfuðstaður Kænugarðsfylkis.
Núverandi borgarstjóri er Vítalíj Klitsjkó. Eftir innrás Rússlands í Úkraínu 2022 höfðu 2 milljónir yfirgefið borgina í lok mars. Sumir sneru þó til baka.
Kænugarður Київ (úkraínska) Kyjív | |
---|---|
Hnit: 50°27′00″N 30°31′24″A / 50.45000°N 30.52333°A | |
Land | Úkraína |
Fylki | Kænugarðsfylki |
Stofnun | 482 |
Stjórnarfar | |
• Borgarstjóri | Vítalíj Klitsjkó |
Flatarmál | |
• Borg | 839 km2 |
Hæð yfir sjávarmáli | 179 m |
Mannfjöldi (1. janúar 2021) | |
• Borg | 2.952.301 |
• Þéttleiki | 3.299/km2 |
• Stórborgarsvæði | 3.475.000 |
Tímabelti | UTC+2 |
• Sumartími | UTC+3 |
Póstnúmer | 01xxx–04xxx |
Svæðisnúmer | +380 44 |
ISO 3166 kóði | UA-30 |
Vefsíða | kyivcity |
Borgin liggur í norðurhluta landsins við fljótið Danparfljót. Árið 2021 bjuggu tæpar 3 milljónir í borginni. Borgin er menningar-, iðnaðar- og vísindamiðstöð í Austur-Evrópu og er 7. fjölmennasta borg Evrópu. Rekja má byggð í borginni til 5. aldar.
Með þekktari stöðum í borginni er sjálfstæðistorgið Majdan Nezalezjností. Á lista UNESCO yfir menningarminjar eru Dómkirkja heilagrar Soffíu og klaustrið Petsjersk Lavra. Maríjínskyj-höll er önnur þekkt bygging.
Orðið Kænugarður er gamalt orð í íslensku og þekkist í fornum bókmenntum. Í Kristni sögu segir að þeir Þorvaldur víðförli Konráðsson og Stefnir Þorgilsson hafi ferðast víða um lönd til að boða kristni og heimsótt Kænugarð.
Borgin er einnig nefnd svo í öðrum fornum ritum, þar á meðal Gautreks sögu, Flateyjarbók, Hauksbók og Guðmundar sögu biskups.
Íslenska nafnið Kænugarður virðist á yfirborðinu samsett úr kæna (‘skip’) og garður, en er aðlagað úr fornausturslavnesku orði: Kijan-gorod, sem leitt er af íbúa- eða þjóðflokksheitinu Kijane og orðinu gorod ‘borg’.
Borgin liggur í norðurhluta landsins við Danparfljót sem tæmist í Svartahaf og tengir borgina við innhaf þess, Asovshaf.
Helsta knattspyrnulið borgarinnar er FC Dynamo Kyiv.
This article uses material from the Wikipedia Íslenska article Kænugarður, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.