مذکر: نر اسم ہوتا ہے جیسےمرد، باپ، بیل، بیٹا جبکہ مونث: مادہ اسم ہوتا ہے جیسے عورت، ماں، گائے، بیٹی بے جان اسماء میں نر اور مادہ کا کوئی فرق نہیں ہوتا اس لیے ان کی تذکیر و تانیث کا تمام تر درارومدار اہل زبان پر ہوتا ہے جیسے قلم کو اہل زبان مذکر بولتے ہیں اور گیند کو مونث اسی لیے ایسے اسماء کی تذکیر و تانیث کو غیر حقیقی تذکیر و تانیث کہا جاتا ہے۔ جبکہ حقیقی تذکیر و تانیث وہ ہوتی ہے جس میں نر کے مقابلے میں مادہ اور مادہ کے مقابلے میں نر ہو جانداروں میں کیوں کہ قدرتی طور پر نر اور مادہ کا فرق موجود ہوتا ہے اس لیے اس لیے ان کی تذکیرو تانیث حقیقی ہوتی ہے جیسے مرد، عورت۔ بیل، گائے وغیرہ
مُذکّر (Male) ایک اصطلاح ہے جو نَر جنس (مادہ کی ضد) کے لیے استعمال کیا جاتا ہے۔ ہر وہ چیز جو مردانہ جنس کی حامل ہو، مُذکّر کہلاتی ہے۔
قواعد میں مُذکّر اُس لفظ (فاعل، مفعول یا فعل) کو کہاجاتا ہے جس کا استعمال بصورتِ تذکیر ہو یا جس میں تذکیر کا صیغہ استعمال ہو۔ مثلاً ‘‘کام’’ یعنی نراسماء کو مذکر کہا جاتا ہے
مُؤنّث، عربی زبان کا لفظ ہے جو مادہ جنس (نَر کی ضد) کے لیے استعمال کیا جاتا ہے۔ ہر وہ چیز جو مادہ جنس کی حامل ہو مؤنث کہلاتی ہے۔
قواعد میں میں مُؤنّث اُس لفظ (فاعل، مفعول یا فعل) کو کہاجاتا ہے جس کا استعمال بصورتِ تانیث ہو یا جس میں تانیث یا مادہ جنس کا صیغہ استعمال ہو۔ مثلاً لفظ ‘‘محنت’’. یعنی مادہ اسماء کومونث کہا جاتا ہے۔
اسم مشترک اس اسم کو کہتے ہیں جو مذکر اور مونث دونوں کے لیے بولا جاتا ہے جیسے یتیم، مسافر، کھلاڑی، بچہ، ساتھی، مہمان، صدر، وزیراعظم، وزیر، دوست، دشمن وغیرہ
بے جان اسماء میں نر اور مادہ کا کوئی فرق نہیں ہوتا اس لیے ان کی تذکیر و تانیث کا تمام تر درارومدار اہل زبان پر ہوتا ہے جیسے قلم کو اہل زبان مذکر بولتے ہیں اور گیند کو مونث اسی لیے ایسے اسماء کی تذکیر و تانیث کوغیرحقیقی تذکیر و تانیث کہا جاتا ہے
حقیقی تذکیر و تانیث وہ ہوتی ہے جس میں نر کے مقابلے میں مادہ اور مادہ کے مقابلے میں نر ہو جانداروں میں کیونکہ قدرتی طور پر نر اور مادہ کا فرق موجود ہوتا ہے اس لیے اس لیے ان کی تذکیرو تانیث حقیقی ہوتی ہے۔ جیسے مرد، عورت۔ بیل، گائے وغیرہ
مذکر | مونث | مذکر | مونث | مذکر | مونث |
---|---|---|---|---|---|
ابا | اماں | باپ | ماں | بادشاہ | ملکہ |
بندہ | باندی، کنیز | بھائی | بھاوج | خاوند | جورو |
خواجہ | خاتون | رنڈوا | رانڈ، بیوہ | سسر | ساس |
تایا | تائی | ماموں | ممانی | مرد | عورت |
میاں | بیوی | نواب | بیگم | چچا | چچی |
مذکر | مونث | مذکر | مونث | مذکر | مونث |
---|---|---|---|---|---|
بچہ | بچی | بیٹا | بیٹی | بھانجا | بھانجی |
بھتیجا | بھتیجی | گندا | گندی | پوتا | پوتی |
پھوپھا | پھوپھی | چچا | چچی | دادا | دادی |
نانا | نانی | ہمسایہ | ہمسائی | شہزادہ | شہزادی |
صاحبزادہ | صاحبزادی | کنوارا | کنواری | نواسا | نواسی |
مذکر | مونث | مذکر | مونث | مذکر | مونث |
---|---|---|---|---|---|
بڑھئی | بڑھائن | بنگالی | بنگالن | بھکاری | بھکارن |
بھنگی | بھنگن | پارسی | پارسن | پجاری | پجارن |
پڑوسی | پڑوسن | پنجابی | پنجابن | تیلی | تیلن |
ٹھٹھیرا | ٹھٹھیرن | جوگی | جوگن | چوھدری | چودھرائن |
حلوائی | حلوائن | دلہا | دلہن | دھوبی | دھوبن |
سقا | سقن | سمدھی | سمدھن | سنار | سنارن |
فرنگی | فرنگن | قصائی | قصائن | کنجڑا | کنجڑن |
گرہستی | گرہستن | گوالا | گوالن | گھوسی | گھوسن |
گویا | گوائن | لوہار | لوہارن | مراثی | مراثن |
مصلی | مصلن | موچی | موچن | مالی | مالن |
ناگ | ناگن | نائی | نائن | یہودی | یہودن |
مذکر | مونث | مذکر | مونث | مذکر | مونث |
---|---|---|---|---|---|
استاد | استانی | پنڈت | پنڈتانی | ٹھگ | ٹھگنی |
جادوگر | جادوگرنی | مغل | مغلانی | مہاراجا | مہارانی |
جیٹھ | جیٹھانی | دیور | دیورانی | ڈوم | ڈومنی |
راجا | رانی | مہتر | مہترانی | نٹ | نٹنی |
سکھ | سکھنی | سید | سیدانی | شیخ | شیخانی |
فقیر | فقیرنی | نوکر | نوکرانی | ہندو | ہندنی |
مذکر | مونث | مذکر | مونث | مذکر | مونث |
---|---|---|---|---|---|
سلطان | سلطانہ | شاعر | شاعرہ | صاحب | صاحبہ |
ضعیف | ضعیفہ | ظالب | طالبہ | عزیز | عزیزہ |
عالم | عالمہ | مالک | مالکہ | محبوب | محبوبہ |
مریض | مریضہ | معلم | معلمہ | مکرم | مکرمہ |
ملک | ملکہ | وارث | وارثہ | والد | والدہ |
مذکر | مونث | مذکر | مونث | مذکر | مونث |
---|---|---|---|---|---|
اونٹ | اوٹنی | بچھڑا | بچھیا | بندر | بندریا |
بیل | گائے | بھوت | بھتنی | بھینسا | بھینس |
چڑا | چڑیا | چوہا | چوہیا | چیونٹا | چیونٹی |
شیر | شیرنی | کتا | کتیا | گدھا | گدھی |
مرغ، مرغا | مرغی | مور | مورنی | مینڈک | مینڈکی |
مینڈھا | بھیڑ | ناگ | ناگن | ہاتھی | ہتھنی |
This article uses material from the Wikipedia اردو article مذکر اور مونث, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.