Ramadan: Pag-aayuno ng isang buwan sa Islam

Ito ang panahon ng pag-aayuno (sawm), pagdarasal, pagnilay, at pamayanan. Isang paggunita ng unang paghayag ni Muhammad, itinuturing bilang isa sa mga Limang Haligi ng Islam ang taunang pagtalima sa Ramadan at tumatagal ng dalawampu't siyam hanggang tatlumpung araw, mula isang pagkakita ng gasuklay na buwan hanggang sa susunod na pagkakita nito.

Ramadan رَمَضَان
Mula sa itaas, kaliwa pakanan: Isang gasuklay na buwan sa Sarıçam, Turkiya na nagmamarka ng simula ng buwan ng Ramadan sa Islam; pagbabasa ng Quran noong Ramadan sa Bandar Torkaman, Iran; Iftar (kainan ng komunidad) sa Dubai, Nagkakaisang Arabong Emirato; pagdasal ng Tarawah sa isang moske sa Kanlurang Sumatra, Indonesya; mga pagkaing inihahain sa tradisyonal na kainang Iftar; mga dekorasyong pang-Ramadan sa Herusalem; mga kahon ng donasyon (pang-Zakat) sa Taipei, Taiwan.
Ipinagdiriwang ng	Mga Muslim
Uri	Panrelihiyon
Mga pagdiriwang	Mga iftar at pagdarasal ng komunidad
Mga pamimitagan	Sawm (pag-aayuno) Zakat at sadaqah (limos) Paggunita ng Gabi ng Qadr Pagbabasa ng Quran Pag-iiwas sa lahat ng masasamang gawa at pagpapakumbaba Pagdasal ng Taraweeh (mga Sunni na Muslim)
Nagsisimula	Sa huling gabi ng buwan ng Sha'ban
Nagtatapos	Sa huling gabi ng buwan ng Ramadan
Petsa	Paiba-iba (sumusunod sa kalendaryong lunar ng Islam)
2023 date	22 Marso – 21 Abril
Dalas	Taunan (kalendaryong lunar)
Kaugnay sa	Eid al-Fitr, Gabi ng Qadr

Obligado na umiwas sa pagkain at inumin mula pagsikat ng araw at paglubog ng araw ang lahat ng mga adultong Muslim na walang sakit (matindi man o malala), hindi naglalakbay, nakatatanda, nagpapasuso, diyabetiko, o nagreregla. Suhur ang tawag sa kainan bago ang pagsikat ng araw, at iftar naman ang tawag sa hapunang matapos ang ayuno. Kahit nailabas ang mga fatwa na nagdedeklara na dapat sundin ng mga Muslim na naninira sa mga rehiyon na may araw sa hatinggabi o gabi sa polo ang talaorasan ng Mecca, isang karaniwang kaugalian na sundin ang talaorasan ng pinakamalapit na bansa kung saan malinaw ang kaibahan ng araw at gabi.

Pinaniniwalaang mas marami ang mga espirituwal na gantimpala (thawab) ng pag-aayuno tuwing Ramadan. Kaayon nito, hindi lang iniiwasan ng mga Muslim ang pagkain at inumin tuwing mga oras ng pag-aayuno, kundi produktong tabako, seksuwal na relasyon, at makasalanang pag-uugali. Sa halip, inilalaan ang kanilang sarili sa salat (pagdasal) at pag-aaral ng Qur'an.