ప్రజారోగ్యం అనగా వ్యవస్థీకృత కృషి, సమాజ ఎంపికలు, సంస్థలు, ప్రభుత్వ, ప్రైవేట్, సంఘాలు, వ్యక్తుల ద్వారా జీవితం పొడిగించే, ఆరోగ్యాన్ని ప్రోత్సహించే వ్యాధి నివారణ యొక్క శాస్త్రం, కళ.
ఇది జనాభా ఆరోగ్య విశ్లేషణ ఆధారంగా ఆరోగ్యానికి రాబోవు అపాయ హెచ్చరికలకు సంబంధించింది. ఏదైనా ఒక వ్యాధికి సంబంధించిన ప్రశ్నలో వ్యాప్తి చెందని త్వరితంగా నయంచేయగల వ్యాధా, లేదా త్వరితగతిన నయం చేయలేని అనేక ప్రాంతాలకు చెందిన ప్రజలకు వ్యాప్తి చెందగల వ్యాధా అనేది ప్రజారోగ్య ప్రచారంతో తెలుసుకొని ప్రజలు అప్రమత్తమయి తగిన జాగ్రత్తలతో వ్యాధులను నివారించగలుగుతారు. యునైటెడ్ నేషన్స్ యొక్క ప్రపంచ ఆరోగ్య సంస్థ ద్వారా నిర్వచించబడిన ఆరోగ్య కొలతలు "కేవలం వ్యాధి లేకపోవడం లేదా బలహీనంగా లేకపోవడమే కాక సంపూర్ణ భౌతిక స్థితి, మానసికం, సామాజిక శ్రేయస్సు కలిగి ఉండాలి". ప్రజారోగ్యం ఎపిడెమియాలజీ (సాంక్రామికవ్యాధిశాస్త్రం), బయోస్టాటిస్టిక్స్ (జీవ సంబంధిత సంఖ్యా శాస్త్రం), ఆరోగ్య సేవల యొక్క పరస్పర క్రమశిక్షణా పద్ధతులు చేపడుతుంది. పర్యావరణ ఆరోగ్యం, సమాజ ఆరోగ్యం, ప్రవర్తనా ఆరోగ్యం, ఆరోగ్య అర్థశాస్త్రం, ప్రజా విధానం, భీమా ఔషధం, వృత్తిపరమైన భద్రత, ఆరోగ్యం ఇతర ముఖ్యమైన ఉపవిభాగాలు.
ప్రజా ఆరోగ్య మధ్యవర్తిత్వ దృష్టి అనగా వ్యాధుల నివారణల ద్వారా, వ్యాధిని చికిత్స చేయటం ద్వారా, కేసులను పర్యవేక్షించుట ద్వారా, ఆరోగ్య సూచికల ద్వారా, ఆరోగ్యకరమైన ప్రవర్తనలను ప్రోత్సహించటం ద్వారా జీవితం యొక్క ఆరోగ్యాన్ని, నాణ్యతను మెరుగుపరచడం. చేతులు పరిశుభ్రంగా ఉంచుకొనుటను ప్రోత్సహించటం, తల్లిపాలను పట్టడం, టీకాలను పంపిణీ చేయటం, లైంగికంగా సంక్రమించే వ్యాధుల వ్యాప్తిని నియంత్రించేందుకు కండోమ్స్ ను పంపిణీ చేయటం వంటివి సాధారణ ప్రజా ఆరోగ్య పద్ధతులకు చెందిన ఉదాహరణలు. ఆధునిక ప్రజా ఆరోగ్య విధానానికి బహుళవిజ్ఞానాత్మక ప్రజా ఆరోగ్య కార్మికుల జట్లు, నిపుణులు సహా ప్రజా ఆరోగ్యం/కమ్యూనిటీ ఔషధం/సాంక్రమిక వ్యాధులకు చెందిన ప్రత్యేక వైద్యులు, మానసిక నిపుణులు, అంటువ్యాధి నిపుణులు, జీవగణాంకనిపుణులు, వైద్య సహాయకులు లేదా సహాయక వైద్యాధికారులు, ప్రజా ఆరోగ్య నర్సులు, వైద్య మైక్రోబయాలజిస్టులు, పర్యావరణ ఆరోగ్య అధికారులు/ప్రజా ఆరోగ్య ఇన్స్పెక్టర్లు, ఫార్మసిస్ట్స్, దంత పరిరక్షకులు, డయేటియన్స్, న్యూట్రిషనిస్టులు, పశువైద్యులు, ప్రజా ఆరోగ్య ఇంజనీర్లు, ప్రజా ఆరోగ్య న్యాయవాదులు, సామాజిక శాస్త్రవేత్తలు, సమాజాభివృద్ధి కార్మికులు, సమాచార నిపుణులు, జీవవైద్యనీతిశాస్త్రవేత్తలు, ఇతరుల అవసరం ఉంది.
This article uses material from the Wikipedia తెలుగు article ప్రజారోగ్యం, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.